‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
தமிழ் சினிமாவில் தற்போது வளர்ந்து வரும் நடிகர்களில் விஜய் சேதுபதி, சிவகார்த்திகேயன் இருவருமே முக்கியமானவர்கள். விஜய் சேதுபதி வித்தியாசமான கதாபாத்திரங்களை ஏற்று ரசிகர்களைக் கவர்கிறார். சிவகார்த்திகேயன் கமர்ஷியலான கதாபாத்திரங்களை ஏற்று ரசிகர்களைக் கவர்கிறார். இருவரும் பயணிக்கும் திசை வேறு வேறாக இருக்கிறது. இருப்பினும் இருவரையுமே இப்போது போட்டியாளர்களாகத்தான் ரசிகர்கள் பார்க்கிறார்கள். அந்தப் போட்டி அவர்கள் கவுரவத் தோற்றத்தில் நடிப்பதிலும் அமைந்திருப்பது ஆச்சரியமான ஒன்று.
விஜய் சேதுபதி கவுரவத் தோற்றத்தில் நடித்துள்ள 'சீதக்காதி' படம் நாளை மறுநாள் 20ம் தேதி வெளியாகிறது. இந்தப் படத்தில் முதல் அரை மணி நேரத்தில் மட்டுமே விஜய் சேதுபதி நடித்துள்ளார். அதன் பின் மீதிப் படம் வேறு நடிகர்களுடன் பயணிக்கிறது. சிவகார்த்திகேயன் கவுரவத் தோற்றத்தில் நடித்துள்ள 'கனா' படம் டிசம்பர் 21ம் தேதி வெளியாகிறது. இந்தப் படத்தில் சிவகார்த்திகேயனும் அரை மணி நேரம் இடம் பெறுகிறார் என ஒரு தகவல்.
பட விளம்பரங்களில் முதலில் தன்னைத் தவிர்த்து வந்த சிவகார்த்திகேயன் வெளியீடு நெருங்க, நெருங்க படம் முழுவதும் அவர் இருப்பது போன்று விளம்பரங்களில் தன்னையும் இணைத்துக் கொண்டார். கவுரவத் தோற்றத்தில் நடித்துவிட்டு இருவருமே இப்படி தங்களுக்கு முக்கியத்துவம் கொடுத்திருப்பது படத்தை வாங்கியவர்களிடையே ஒரு சலசலப்பை ஏற்படுத்தியுள்ளது.