400 கதைகளை வாங்கி வைத்திருக்கும் தயாரிப்பாளர் ?

01 நவ, 2018 - 06:08 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ் சினிமாவில் கடந்த சில நாட்களாக பரபரப்பாகப் பேசப்பட்டு வரும் விவகாரம் கதைத் திருட்டு. 'சர்கார், 96' ஆகிய படங்களின் கதைகள் தங்களுடைய கதை என்று சிலர் புகார் தெரிவித்தார்கள். அதைத் தொடர்ந்து மேலும் பலர் தங்களது கதைகளும் பறி போனது என சமூக வலைத்தளங்களில் பரபரப்பாகப் பதிவிட்டு வருகிறார்கள்.

அவற்றோடு, உதவி இயக்குனர்கள் அடங்கிய வாட்சப் குழுக்களில் ஒரு தயாரிப்பாளரைப் பற்றிய தகவல் ஒன்று பரபரப்பாகப் பரவி வருகிறதாம். டிவி பெயரைக் கொண்ட மும்பையைச் சேர்ந்த ஒரு தயாரிப்பு நிறுவனத்தில் தயாரிப்பாளர் அந்தஸ்தில் இருந்த ஒருவர் அப்போது படங்களைத் தயாரிப்பதற்காக கதைகளைக் கேட்ட விதத்தில் சுமார் 400 பவுண்டட் கதைகளை வாங்கினாராம். அவற்றில் சில கதைகள் மட்டுமே சம்பந்தப்பட்டவர்களிடம் திருப்பித் தரப்பட்டதாம்.

அந்த நிறுவனம் தமிழில் எடுத்த தொடர் தோல்விப் படங்களால் தமிழ் சினிமாவே வேண்டாம் என மும்பைக்கே சென்றுவிட்டது. அந்நிறுவனத்தின் தயாரிப்பில் வந்த படங்கள் மீதும் கதைத் திருட்டு புகார்கள் உள்ளன. ஹாலிவுட் படக் கதைத் திருட்டு புகார் கூட இருக்கிறது என்கிறார்கள். அந்த 400 கதைகளில் சமீபத்தில் பரபரப்பாகப் பேசப்பட்ட படத்தின் கதை கூட இருக்கிறது என்றும் தகவல் உண்டு.

அந்த நிறுவனத்திடம் கொடுக்கப்பட்ட கதைகளை திரும்ப வாங்க முயற்சி செய்யுங்கள் என பல உதவி இயக்குனர்களும் தகவல்களைக் பரிமாறிக் கொண்டிருக்கிறார்களாம்.

cinegossips

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

இவருக்கும் அரசியல் ஆசையா?

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய