ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
இந்தியாவில் நடக்கும் சர்வதேச திரைப்பட விழாவில் மிகப்பெரியது கோவா சர்வதேச திரைப்பட விழா. அந்த மாநில அரசே நடத்தும் விழா இது. இந்த ஆண்டுக்கான 49வது சர்வதேச திரைப்பட விழா, வருகிற நவம்பர் 20ந் தேதி முதல், 28ந் தேதி வரை 8 நாட்கள் நடக்கிறது. இதில் சுமார் 80 நாடுகளைச் சேர்ந்த 140 படங்கள் திரையிடப்படுகிறது.
இந்திய படங்கள் பிரிவில் 22 சிறந்த இந்திய படங்கள் திரையிடப்படுகிறது. போட்டிக்கு வந்த 190 படங்களில் இருந்து, இந்த 22 படங்கள் தேர்வு செய்யப்பட்டிருக்கிறது. ராம் இயக்கத்தில் மம்முட்டி நடித்த பேரன்பு, ஒளிப்பதிவாளர் செழியன் இயக்கிய டூ லெட், பா.ரஞ்சித் தயாரிப்பில் மாரி செல்வராஜ் இயக்கிய பரியேறும் பெருமாள் ஆகிய 3 படங்கள் தேர்வாகி உள்ளது. இத்துடன் நடிகர் திலகம் சிவாஜியை கவுரவப்படுத்தும் விதமாக பராசக்தி சிறப்பு திரைப்படமாக திரையிடப்படுகிறது. அதேப்போல் மறைந்த ஸ்ரீதேவியை கவுரவப்படுத்தும் விதமாக அவர் கடைசியாக நடித்த மாம் படம் திரையிடப்படுகிறது.
பொதுப்பிரிவில் கீர்த்தி சுரேஷ் நடித்த தெலுங்கு படமான மகாநடி (நடிகையர் திலகம்), சல்மான்கான் நடித்த டைகர் ஜிந்தா ஹே, சஞ்சய் லீலா பன்சாலி இயக்கிய பத்மாவத், மெக்னா குல்சர் இயக்கிய ராஷி ஆகிய படங்கள் திரையிடப்படுகிறது.