ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
தமிழ் சினிமாவில் 70களின் இறுதியில் வில்லன் நடிகராக நடித்தவர் ரஜினிகாந்த்தின் நெருங்கிய நண்பர் மோகன்பாபு. பின்னர் தெலுங்கில் முன்னணி ஹீரோக்களில் ஒருவராக உயர்ந்து பல படங்களில் நடித்தார்.
சமீபத்தில் 'மகாநதி' படத்தில் எஸ்.வி.ரங்காராவ் கதாபாத்திரத்தில நடித்திருந்தார். அவருடைய இரு மகன்கள் விஷ்ணு, மனோஜ் இருவரும் தெலுங்கு சினிமாவில் நடிகர்களாக இருக்கிறார்கள். அவருடைய மகள் லட்சுமி மஞ்சுவும் நடிகையாக இருக்கிறார். தமிழில் மணிரத்னம் இயக்கிய 'கடல்' படத்தில் நடித்தவர் லட்சுமி மஞ்சு. ஆனால், அந்தப் படத்தில் லட்சுமி நடித்த பல காட்சிகளைத் தூக்கிவிட்டார் மணிரத்னம்.
ஒரு இடைவெளிக்குப் பிறகு மீண்டும் தமிழில் ஜோதிகா நடிக்கும் 'காற்றின் மொழி' படத்தில் நடித்து வருகிறார். இப்படத்தின் படப்பிடிப்பில் கலந்து கொண்டுள்ள லட்சுமி, ஜோதிகாவின் நடிப்பைப் பாராட்டித் தள்ளியுள்ளார்.
“ஜோதிகாவுடன் பணியாற்றி வருகிறேன்... வாவ்... என்ன ஒரு திறமைசாலி. ஏற்கெனவே அவருடைய தீவிர ரசிகை, தற்போது இன்னும் அதிகமாக. அவருடைய கண்கள் அதிகம் பேசுகின்றன, காமிரா அவரை அதிகம் நேசிக்கிறது,” எனக் குறிப்பிட்டுள்ளார்.
ராதாமோகன் இயக்கத்தில் ஜோதிகா, விதார்த், லட்சுமி மஞ்சு மற்றும் பலர் நடிக்கும் 'காற்றின் மொழி' படப்பிடிப்பு இடைவிடாமல் நடந்து வருகிறது.