தெலுங்கில் தனி இடத்தைப் பிடித்த கீர்த்தி சுரேஷ்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

16 மே, 2018 - 06:52 IST

எழுத்தின் அளவு:

மலையாளத்திலிருந்து தமிழ்ப் பக்கம் தாவிய கீர்த்தி சுரேஷ் நடித்த 'ரஜினி முருகன்' படம் மாபெரும் வெற்றி பெற்றதால் அடுத்தடுத்து முன்னணி நடிகர்களுடனும் ஜோடி சேர்ந்து நடித்தார்.

தனுஷுடன் 'தொடரி', மீண்டும் சிவகார்த்திகேயனுடன் 'ரெமோ', விஜய்யுடன் 'பைரவா', சூர்யாவுடன் 'தானா சேர்ந்த கூட்டம்' ஆகிய படங்களில் நடித்தார். 'ரஜினி முருகன்' படத்திற்குப் பிறகு அவர் நடித்த படங்கள் கமர்ஷியல் ரீதியாக பெரிய வெற்றியைப் பெறவில்லை என்றாலும் முன்னணி நடிகைகளில் ஒருவராக இடம் பிடித்தார்.

தற்போது தமிழில் “சாமி 2, சண்டகோழி 2, விஜய்யுடன் ஒரு படம்' என மிகவும் பிஸியாக இருக்கிறார். தெலுங்கில் அவர் நடித்த 'மகாநதி' படம் அவருக்கு அங்கு தனிப் பெயரையும், ஒரு மரியாதையையும் ஏற்படுத்திக் கொடுத்துவிட்டது. ஏற்கெனவே தெலுங்கில் அவர் நடித்த 'நேனு ஷைலஜா, நேனு லோக்கல்' ஆகிய படங்கள் வெற்றிப் படங்களாக அமைந்தன. தற்போது 'மகாநதி'யும் வெற்றிப் படமாக அமைந்துவிட்டதால் அவரைத் தேடி தற்போது பல புதிய வாய்ப்புகள் வந்து கொண்டிருக்கிறது.

'மகாநதி' படக்குழுவினரை ஒவ்வொரு நாளும் ஒரு திரைப்பிரபலம் நேரில் அழைத்து பாராட்டி வருகிறார். கீர்த்தி தற்போது விஜய் பட ஷுட்டிங்கில் இருப்பதால், சில நாட்கள் கழித்து ஐதரபாத்தில் நன்றி தெரிவிக்கும் நிகழ்வை நடத்துவார் என்று எதிர்பார்க்கப்படுகிறது.

keerthysuresh

keerthisuresh

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய