‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
வெற்றிமாறன் இயக்கத்தில், சந்தோஷ் நாராயணன் இசையமைப்பில், தனுஷ், ஐஸ்வர்யா ராஜேஷ், ஆன்ட்ரியா மற்றும் பலர் நடிக்கும் படம் 'வட சென்னை'. இன்று இந்தப் படத்தின் முதல் பார்வையை படக்குழுவினர் வெளியிட்டார்கள்.
அதில் பலரையும் ஆச்சரியப்படுத்திய விஷயம் படத்தின் நாயகியாக நடித்திருக்கும் ஐஸ்வர்யா ராஜேஷ். தனுஷ் தயாரிப்பில் வெளிவந்த 'காக்கா முட்டை' படத்தில் இரண்டு பையன்களுக்கு அம்மாவாக நடித்து பலரது பாராட்டுக்களையும் பெற்றவர். இதுவரை சிறிய நடிகர்களுடன் மட்டுமே ஜோடியாக நடித்து வந்த ஐஸ்வர்யா ராஜேஷ், முன்னணி நடிகரான தனுஷின் முக்கியமான படத்தில் அவருக்கு ஜோடியாக நடித்து பலரையும் பொறாமைப்பட வைத்திருக்கிறார்.
'வட சென்னை' படத்தின் சில புகைப்படங்களும் சமூக வலைத்தளங்களில் வந்து கொண்டிருக்கின்றன. அவற்றில் தனுஷ், ஐஸ்வர்யா ராஜேஷ் ஜோடிய மிகவும் யதார்த்தமான ஒரு ஜோடியாகத் தெரிகிறது. இந்தக் கதாபாத்திரத்தில் முதலில் சமந்தா தான் நடிக்க வேண்டியது. ஆனால், அவர் திடீரென விலகிவிட்டார். அதன்பின் அமலா பால் அந்தக் கதாபாத்திரத்தில் நடிக்கலாம் என்றார்கள். பின்னர் அதுவும் நடக்காமல் போக பின்னவர் வந்தவர்தான் ஐஸ்வர்யா ராஜேஷ்.
'வட சென்னை' படம் யாருக்கு திருப்புமுனையாக அமையப் போகிறதோ இல்லையோ ஐஸ்வர்யா ராஜேஷுக்கு நிச்சயம் திருப்புமுனையாக அமையும் என்று இப்போதே பேச்சுகள் ஆரம்பமாகிவிட்டன.