‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
இஸ்கான் என்று அழைக்கப்படும் அகில உலக கிருஷ்ண பக்தி இயக்கத்தை உருவாக்கிய அ.ச.பக்தி வேதாந்த ஸ்வாமி ஶ்ரீல பிரபுபாதரின் வாழ்க்கை பற்றிய ஆவணப்படத்தை அந்த இயக்கத்தினர் உருவாக்கி உள்ளனர். இது ஒண்ணறை மணி நேர திரைப்படமாக இந்தியா முழுவதும் 500 தியேட்டர்களில் திரையிடப்பட்டுள்ளது. சென்னையில் அமைஞ்சிக்கரை பிவிஆர் தியேட்டரில் திரையிடப்பட்டுள்ளது.
தன்னுடைய 70 வது வயதில் 1965-ல் வெறும் நாற்பது ருபாய் மற்றும் பகவத்கீதை, ஶ்ரீமத் பாகவதம் போன்ற இந்திய வேத இலக்கியங்களின் ஆங்கில மொழிபெயர்ப்புடன் ஒரு சரக்கு கப்பல் முலம் அமெரிக்காவை சென்றடைந்த ஶ்ரீல பிரபுபாதர், இந்திய கலாச்சாரம் மற்றும் தத்துவங்களை மேற்கத்திய நாடுகளில் மிகவும் சிரமப்பட்டு அம்மக்களின் மனதில் விதைத்து, போதை பழக்கம், சூதாட்டம், தவறான பாலுறவு போன்ற தீய பழக்க வழக்கத்திலிருந்து அவர்களை காப்பாற்றி எவ்வாறு கிருஷ்ண பக்தியை உலகெங்கிலும் பரவச் செய்தார் என்பதை அவர் வாழ்ந்த காலத்தில் எடுக்கப்பட்ட வீடியோ கோப்புகளை ஒன்று சேர்த்து ஆவணத் திரைப்படமாக தயாரித்துள்ளனர்.
படம் குறித்து அதன் தயாரிப்பாளரும் இயக்குனருமான ஜான் கிரைஸர் கூறியதாவது: எத்தனையோ ஆன்மீக குருமார்கள் வெளிநாடுகளுக்கு சென்றிருந்தாலும் ஶ்ரீல பிரபுபாதர் அவர்களிலிருந்து மிகவும் தனித்துவம் பெற்றவர். காரணம் "ஹரே கிருஷ்ண ஹரே கிருஷ்ண கிருஷ்ண கிருஷ்ண ஹரே ஹரே, ஹரே ராம ஹரே ராம ராம ராம ஹரே ஹரே" என்ற மகாமந்திரத்தை மட்டுமே தன்னுடைய துணையாகக் கொண்டு உதவிக்கு ஆளில்லாமல் 70 வது வயோதிகராக அமெரிக்க வீதிகளில் தங்க இடமில்லாமல் சுற்றித் திரிந்து 11ஆண்டுகளில் உலகம் முழுவதும் பகவத்ககீதையின் முக்கியத்துவத்தை உணரச்செய்து மேல்நாட்டு மக்களின் வாழ்க்கை நெறியை மாற்றி உலக மக்களை பாவகரமான வாழ்விலிருந்து காப்பாற்றிய தலை சிறந்த இந்தியர், ஆன்மீக வழிகாட்டி ஶ்ரீல பிரபுபாதர் என்பதை அனைத்து தரப்பு மக்களுக்கும் உணர்த்ததுவதே இந்த ஹரே கிருஷ்ணா திரைப்படம். என்றார்.