‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
கமல்ஹாசன் தொடர்பான ஒரு பரபரப்பான வீடியோ நேற்று இணைய தளங்களில் வெளியாகி வைரலாக பரவியது. ஒரு நிகழ்ச்சியில் கலந்து கொண்டுவிட்டு வெளியே வந்த கமலை, இயக்குனரும் நடிகருமான ரமேஷ் அரவிந்த் அழைத்து வருகிறார். ரசிகர்கள் கூடி நின்று கோஷம் எழுப்புகிறார்கள். அங்கிருக்கும் படிக்கட்டில் கமல் இறங்கும்போது ஒரு ரசிகர் முண்டியடித்துக் கொண்டு சென்ற கமலின் காலில் விழ முயற்சிக்கிறார். கோபமுற்ற கமல் அந்த ரசிகரின் கன்னத்தில் அறைந்து விட்டுச் செல்கிறார். அல்லது கையால் அவரை தள்ளிவிட்டுச் செல்கிறார். இது வீடியோவில் இருக்கும் காட்சி.
இந்த வீடியோ சில மாதங்களுக்கு முன்பு பெங்களூர் நிகழ்ச்சி ஒன்றின் போது செல்போனில் எடுக்கப்பட்டது என்று தெரிகிறது. அதை இப்போது ஏன் வெளியிட்டிருக்கிறார்கள் என்று தெரியவில்லை.
இதுகுறித்து கமல் தரப்பில் விளக்கம் அளிக்கப்பட்டுள்ளது. அதில், "காலில் விழும் கலாச்சாரத்தை அடியோடு வெறுப்பவர் கமல். அதனால் காலில் விழுந்த ரசிகரை கோபத்துடன் அவர் தள்ளிவிட்டிருக்கலாம். அடித்திருக்க வாய்ப்பில்லை" என்கிறார்கள் கமலின் அபிமானிகள்.
இருந்தாலும், வீடியோ பரபரப்பாக பரவிக் கொண்டிருக்கிறது.