‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
தமிழில் ஒளிப்பரப்பாகி வரும் பிக் பாஸ் நிகழ்ச்சி ஆரம்பமாகி 40 நாட்களை கடந்து விட்டது. நிகழ்ச்சி ஆரம்பமான முதலே பல்வேறு சர்ச்சைகளை சந்தித்து வந்தாலும், அந்த சர்ச்சைகளே நிகழ்ச்சிக்கு பிளஸாக அமைய, இப்போது அதுவே தமிழகத்தில் பிக்பாஸ் பீவராக மாறிவிட்டது.
அதிலும் ஓவியா - ஜூலி பிரச்னையில் பரபரப்பான இந்த நிகழ்ச்சி, தொடர்ந்து ஓவியா - ஆரவ் காதல் விவகாரம், ஓவியா தற்கொலை முயற்சி, ஓவியா மன ரீதியாக பாதிக்கப்பட்டது, நிகழ்ச்சியிலிருந்து அவர் வெளியேற்றம் என நிகழ்ச்சியின் பரபரப்பை குறையவிடாமல் எகிற வைத்தது பிக்பாஸ்.
கடந்து போன சனி, ஞாயிறு பிக்பாஸ் நிகழ்ச்சியில் ஓவியா, ஜூலி இருவரும் வெளியேறினர். அதேசமயம் போட்டியாளர்கள் ஒவ்வொருவரையும், தனியாக அழைத்து பேசி அவர்கள் செய்த தவறுகளை சுட்டிக்காட்டி அவர்களுக்கு பாடம் புகட்டினார் கமல்.
இந்நிலையில் ஏற்கனவே சமூக வலைதளங்களில் ஓவியாவுக்கு ஆதரவும், ஜூலிக்கும் எதிர்ப்பும் கிளம்பிய நிலையில், ஓவியா, ஜூலி இருவரும் வெளியில் நடமாட தொடங்கியுள்ளனர். இவர்களில் ஓவியா சமீபத்தில் ஷாப்பிங் மால் ஒன்றுக்கு சென்றார். அங்கு அவரை சூழ்ந்து கொண்ட ரசிகர்கள், அவருடன் செல்பி எடுத்து மகிழ்ந்தனர். ஓவியாவும் ரசிகர்களின் அன்பில் முகமலர்ச்சியுடன் காணப்படுகிறார்.
அதேசமயம் ஜூலியோ முகத்தை மூடியபடி வெளியில் நடமாடுகிறார். நேற்று டிஎன்பில்., நடக்கும் போட்டிக்கு முகத்தை மறைத்தபடி வந்த ஜூலி, பிக்பாஸ் போட்டியில் பங்கேற்ற போட்டியாளர்களில் ஒருவரான பரணியிடம் காலில் விழுந்து மன்னிப்பு கோரினார். பரணியும், ஜூலியை பெருந்தன்மையாக மன்னித்து வழியணிப்பி வைத்தார். தொடர்ந்து ஜூலி, தன் தோழி ஒருவருடன் முகத்தை மறைத்தபடி பைக்கில் பறந்தார்.
தற்போது இந்த இரண்டு நிகழ்வுகளையும் சமூக வலைதளங்களில் ரசிகர்கள் டிரெண்ட்டாகி வருகின்றனர்.