‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
ஒரு படத்தின் ஆரம்பம் என்பது அந்தப் படத்தைப் பற்றிய பேச்சு வார்த்தைகளைத் நடத்துவதிலிருந்தே தொடங்கி விடுகிறது. அப்படிப் பார்த்தால் 'பாகுபலி 3' படத்திற்கான பேச்சு வார்த்தைகள் ஆரம்பமாகிவிட்டது என பாலிவுட் வட்டாரங்களில் பேச ஆரம்பித்துவிட்டார்கள்.
'பாகுபலி' படத்தின் முதல் பாகத்தை விட இரண்டாம் பாகம் நல்ல வரவேற்பைப் பெறும், நல்ல வசூலைப் பெறும் என தயாரிப்பாளரும், இயக்குனரும் நம்பியிருந்தார்கள். ஆனால், இப்படியொரு உலக மகா வரவேற்பும், வசூலும் கிடைக்கும் என்று அவர்கள் நினைத்திருக்க மாட்டார்கள். உலக அளவில் 1200 கோடி வசூலைத் தாண்டியுள்ளது. டப்பிங் படமாக இருந்தாலும் ஹிந்திப் படம் மட்டுமே இந்திய அளவில் 400 கோடியை வசூலித்தது என்பதெல்லாம் பெரிய விஷயம் என திரையுலகமே நினைத்துக் கொண்டிருக்கிறது.
'பாகுபலி' படத்தின் ஹிந்தி டப்பிங் உரிமையை வாங்கி சுமார் 200 கோடி வரை லாபம் பார்த்த இயக்குனர் கரண் ஜோஹர் 'பாகுபலி 3' படத்தைத் தயாரித்தால் என்ன என கேள்வி எழுப்பினாராம். 'பாகுபலி' தயாரிப்பாளர்கள், இயக்குனர் ராஜமௌலி ஆகியோரிடமும் இது பற்றி பேசிவிட்டதாகவும் சொல்கிறார்கள். 'பாகுபலி' என்ற பெயருக்கு இத்தனை வரவேற்பும், வசூலும் இருக்கும் போது மேலும் ஒரு பாகத்தைத் தயாரித்தால் என்ன என்று ஆலோசனை நடந்திருக்கிறது. முதலில் இதற்கு மறுத்த ராஜமௌலி பின்னர் சரி என்று சொல்லியதாகவும் தகவல். ஆனால், இது முழுமையான செயல் வடிவம் பெற அடுத்த ஆண்டு ஆகும் என்கிறார்கள்.
ராஜமௌலிக்கு பாகுபலியின் மூன்றாம் பாகத்தை எடுக்க விருப்பமில்லை என்றாலும் இந்த அளவிற்கு படம் பெரிய வெற்றி பெற இதில் முதலீடு செய்த தயாரிப்பாளர்களின் விருப்பத்தையும், ஹிந்தியில் வாங்கி வெளியிட்ட கரண் ஜோஹரின் விருப்பத்தையும் தட்டக் கூடாது என்பதுதான் காரணமாம். நன்றிக்கு மறு பெயர் ராஜமௌலி என்கிறார்கள் பாலிவுட்டில்.