Dinamalar

சரண்ராஜ் மகன் அறிமுகமாகும் லாலி லாலி ஆராரோ

பிரபல நடிகர் சரண்ராஜின் மகன் தேஜ். மகனை சினிமாவில் நடிக்க வைக்க விரும்பினார் சரண்ராஜ். இதற்கு முன்பு இரண்டு படங்கள் தேஜை வைத்து தொடங்கப்பட்டு டிராப் ஆகிவிட்டது. மூன்றாவதாக ஆரம்பித்த லாலி லாலி ஆராரோ படம் நிறைவு பகுதிக்கு வந்திருக்கிறது. இதில் தேஜ் ஜோடியாக ஷிவானி என்ற புதுமுகம் நடிக்கிறார். இவர்களுடன் மனோபாலா, லட்சுமிப்ரியா உள்பட பலர் நடிக்கிறார்கள். நாகபூஷன் ஒளிப்பதிவு செய்கிறார், ராமகோபாலகிருஷ்ணன் இசை அமைக்கிறார். லிங்கன்ராஜாளி என்ற புதுமுகம் இயக்குகிறார்.

படம் பற்றி அவர் கூறியதாவது: ஒவ்வொரு தாய் பாடும் தாலாட்டு பாடலின் ஹம்மிங்தான் லாலி லாலி ஆராரோ. அதையே தலைப்பாக வைத்திருக்கிறோம். இது தாய் மீது பாசம் கொண்ட ஹீரோவுக்கும். தகப்பன் மீது பாசம் கொண்ட ஹீரோயினுக்கும் இடையிலான கதை. அம்மாதான் உலகம் என்று வாழும் நாயகன் லாலி, அதேப்போல் தன் மகனை விட உலகத்தில் சிறந்தது எதுவும் இல்லை என்ற நினைப்பில் உள்ள அம்மா. இவர்களுக்கு இடையில் காதலியாக, உள்ளே வர அதை அந்த குடும்பம் எப்படி எதிர் கொள்கிறது என்பது கதையின் ஒரு பகுதி.

தன் மகள் தான் தனது ஆதாரம் என்று வாழும் ஒரு தகப்பன். தகப்பனை தவிர உலகத்தில் உயர்ந்தது இல்லை என்று வாழும் மகள். இவர்களுக்கு இடையே காதலனாக லாலி உள்ளே வர அதை எப்படி அந்த குடும்பம் எதிர் கொள்கிறது என்பதும் தான் இந்த படத்தின் இன்னொரு பகுதி. இதை செண்டிமெண்ட் கலந்து குடும்பத்துடன் பார்க்கும் படமாக உருவாக்கி உள்ளோம் என்றார் இயக்குனர் லிங்கன்ராஜாளி.

• 
  போஜ்புரி நடிகை தற்கொலை : இறப்புக்கு முன் வெளியிட்ட பதிவு
• 
  துருவா சார்ஜா வீட்டு விழாவில் குடும்பத்துடன் பங்கேற்ற சஞ்சய் தத்
• 
  மகளுடன் இணைந்து நடிக்கும் ஷாரூக்கான்
• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்

• 
  செப்டம்பர் 27ல் திரைக்கு வரும் அமரன்
• 
  புத்திகெட்டு திரிந்தால்தான் புத்தி வரும் : செல்வராகவன்
• 
  தக்லைப் படத்தில் இணைந்த இரண்டு பாலிவுட் நடிகர்கள்
• 
  இளையராஜா பற்றி இனி பேசினால் நடப்பதே வேறு : வைரமுத்துவை எச்சரித்த கங்கை ...
• 
  ஆன்மிகப் பயணத்தால் மாறிய வாழ்க்கை : ரம்யா பாண்டியன் வெளியிட்ட பதிவு