‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
தமிழ் திரைப்படத் தயாரிப்பாளர் சங்கத்தின் தேர்தல் துவங்கியது. இரண்டு ஆண்டுகளுக்கு ஒருமுறை நடைபெறும் தயாரிப்பாளர்கள் சங்கம் தேர்தல் இன்று நடக்கிறது.
தயாரிப்பாளர் சங்கத்தில் எந்தாண்டும் இல்லாத அளவுக்கு இந்தாண்டு போட்டிகள் கடுமையாக இருக்கிறது. இந்தாண்டு ராதாகிருஷ்ணன் அணி, விஷால் அணி , கேஆர் அணி என 3 அணியாக பிரிந்து தயாரிப்பாளர்கள் தேர்தலை சந்திக்க இருக்கிறார்கள்.
தேர்தல் இன்று காலை 8 மணிக்கு தயாரிப்பாளர் சங்க தேர்தலுக்கான வாக்குப்பதிவு துவங்கியது. தனியார் கல்லூரியில் காலை 8 மணி முதல் மாலை 4 மணி வரை வாக்குப்பதிவு நடை பெறுகிறது. தலைவர் , துணைத்தலைவர் , செயலாளர் ,பொருளாளர் உள்ளிட்ட 27 பதவிக்கான தேர்தல் இன்று நடைபெறுகிறது. இன்று மாலையே ஓட்டுகள் எண்ணப்பட்டு இரவுக்குள் முடிவுகள் அறிவிக்கப்பட இருக்கிறது.
காலை 9 மணி நிலவரப்படி 129 ஓட்டுக்கள் பதிவாகி உள்ளன. நடிகை சுகாசினி, டைரக்டர் ஆர்.பி.சவுத்ரி, பாக்யராஜ், பூர்ணிமா பாக்யராஜ், சசிகுமார், அருண் பாண்டியன், மன்சூர் அலிகான், ஏ.ஆர்.முருகதாஸ் உள்ளிட்ட தயாரிப்பாளர் சங்க உறுப்பினர்கள் தங்களின் ஓட்டுக்களை பதிவு செய்தனர்.
தயாரிப்பாளர் சங்க தேர்தலில் நடிகர் ரஜினியும் ஓட்டளித்தார். நடிகர்கள் பார்த்திபன், பிரகாஷ்ராஜ், நடிகைகள் குஷ்பூ, ராதிகா உள்ளிட்டோரும் ஓட்டளித்தனர். எஸ்.ஏ.சந்திரசேகர், சவுந்தர்யா ரஜினிகாந்த், தேவயானி, ராஜகுமாரன், நாசர், ராதாரவி, நட்டி என்ற நடராஜ் ஆகியோர் ஓட்டளித்தனர்.
தயாரிப்பாளர் சங்க தேர்தல் விறுவிப்பாக நடந்து வருகிறது. இதைத்தொடர்ந்து தேர்தலில் நடிகர் ரஜினிகாந்த் பங்கேற்று தனது வாக்கை பதிவு செய்தார். அவரை தொடர்ந்து 12.20 மணியளவில் நடிகர் கமலும் வந்து தனது வாக்கை பதிவு செய்தார்.