‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
சமீபத்தில் திரைக்கு வந்து வெற்றிகரமாக ஓடிக்கொண்டிருக்கும் 'தர்மதுரை' படம் மருத்துவம் மற்றும் மருத்துவர்களை மையமாக வைத்து சமூகத்துக்கு நல்ல கருத்தையும் சொல்லும் படமாக உள்ளது.எனவே இப்படத்தை நிறைய பேர் பாராட்டி வருகிறார்கள்.இயக்குநர் பாலா, இயக்குநர் அமீர், பா.ம.க. நிறுவனம் டாக்டர் ராமதாஸ் உட்பட பலரும் சீனுராமசாமியை பாராட்டியுள்ளனர்.
தர்மதுரை படத்தை பார்த்த நடிகர் சிவகுமார் இயக்குனர் சீனுராமசாமிக்கு 'கிராமத்து பின்னணியில் ஒரு நவீன கதை' என்ற தலைப்பில் ஒரு வாழ்த்து மடல் அனுப்பியுள்ளார்.''சீனுராமசாமி முழுமையான படைப்பாளியாக தன்னை வெளிப்படுத்திய படம 'தர்மதுரை'.
விஜய்சேதுபதி எல்லா தரப்பு மக்களின் இதயங்களிலும் இடம் பிடிக்கும் நடிப்பை வெளிப்படுத்தியுள்ளார். படிப்பில் ஜெயித்து வாழ்க்கையில் தோற்ற ஒரு டாக்டரின் திருப்பங்கள் நிறைந்த வாழ்க்கை திரையில் விரிகிறது.காமராஜரின் மதிய உணவு திட்டத்தில் பசி போக்கிய ஏழைச் சிறுவன் மருத்துவ கல்லூரி பேராசிரியராகி காமராஜர் பெயரையே தனக்கு சூட்டிக் கொண்டது நெஞ்சில் நிலைக்கும் காட்சி!
ஏழை மக்களின் வரிப் பணத்தில் படித்து டாக்டரானவர்கள், கிராமத்து ஏழைகளுக்கு வைத்தியம செய்து நன்றி கடன் அடைக்க வேண்டும் என்ற தத்துவம் மருத்துவர்களுக்கு பாடம்!தனக்கு தெரியாமல் தன் கருவை கலைத்த டாக்டர் கணவனை தமன்னா விவாகரத்து செய்வதில் உள்ள நியாயம்.'ஆஸ்பத்திரியில் உங்களை அண்ணான்னு கூப்பிட்டுட்டேன்' வெள்ளந்தியாய் சொன்ன அன்பு செல்வி பூச்சி மருந்து சாப்பிட்டு இறக்கும் சோகம்...
கல்லூரியில் கதை ஆரமபித்த பின் படம் முடியும் வரை அடுத்த காட்சி எப்படி இருக்கும் என்று யூகிக்க முடியாத திருப்பங்கள்..சீனுராமசாமி வெல்க ராமசாமி...இதுக்கும் மேலே மேலே உங்களிடம் எதிர்பார்க்கிறோம்...”என்று அதில் குறிப்பிட்டுள்ளார் சிவகுமார்.தர்மதுரை படத்துக்கு பல தரப்பினரிடமிருந்து கிடைத்துக் கொண்டிருக்கும் பாராட்டில் மகிழ்ந்துபோயிருக்கிறார் சீனுராமசாமி.