‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
காக்கா முட்டை மணிகண்டனின் அடுத்த படம் குற்றமே தண்டனை. இன்னும் சொல்லப்போனால் காக்கா முட்டைக்கு முன்னமே தொடங்கப்பட்ட படம். நடிகர் விதார்த் குறும்பட இயக்குனராக இருந்த மணிகண்டனை பெரும்பட இயக்குனராக்கிய படம். சில காரணங்களால் சற்று கால தாமத்துடன் இன்று வெளியாகியுள்ளது. இதில் விதார்த்துடன் பூஜா தேவரியா, ஐஸ்வர்யா ராஜேஷ், ரகுமான், நாசர், குரு சோமசுந்தரம் நடித்துள்ளனர், மணிகண்டனே ஒளிப்பதிவு செய்துள்ளார். இளையராஜா இசை அமைத்துள்ளார்.
படத்தை பற்றி விதார்த் கூறியதாவது: "ஒரு சினிமா தயாரிக்கிற அளவிற்கு நான் வசதியானவன் அல்ல. ஆனால் குற்றமே தண்டனை கதையை கேட்டபிறகு கடன் வாங்கியாவது இந்தப் படத்தை தயாரிக்க வேண்டும் என்று முடிவு செய்தேன். மைனா படத்திற்கு பிறகு என் மனசுக்கு நெருக்கமான படம். மைனா வெற்றியை இன்னொரு படத்தில் நான் பெறவில்லை. இந்தப் படம் அந்த வெற்றியை பெற்றுத் தரும். குற்றமே தண்டனை தயாரித்ததில் எனக்கு பெருமை.
இதில் என்னோடு என் மனசாட்சியையும் நடிக்க வைத்திருக்கிறார் மணிகண்டன். ஒவ்வொரு மனிதனுக்கும் அவன் செய்யும் தவறுகளுக்கு அவனது மனசாட்சிதான் முதல் தண்டனை கொடுக்கும். அப்படி ஒரு புதிய விஷயத்தை இந்தப் படம் பேசும். பலருடைய மனசாட்சியை தட்டி எழுப்பும். என்கிறார் விதார்த்.