தயாரிப்பு நிறுவனம் தொடங்கிய நெல்சன் | நாக சைதன்யா, பூஜா ஹெக்டேவை இயக்கும் விருபாக்ஷா இயக்குனர் | ஜூன் 13ல் வெளியாகும் ‛இந்தியன் 2' | தெலுங்கிற்கே முன்னுரிமை தரும் 'குபேரா' குழு | ஒரு அப்டேட் கூட வரவில்லை, வருத்தத்தில் அஜித் ரசிகர்கள் | இளம் இசையமைப்பாளர் பிரவீண் குமார் மரணம் | ஏப்ரல் மாதத்திலும் தொடர்ந்த ஏமாற்றம் - 2024 ஏப்ரல் படங்கள் ஓர் பார்வை | ‛ஆனந்த ராகம்' பாடிய அபூர்வ குரல் உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் |
கார்த்திக் சுப்பராஜ் இயக்கத்தில் விஜய்சேதுபதி, எஸ்.ஜே.சூர்யா, பாபி சிம்ஹா, ராதாரவி, அஞ்சலி, கமாலினி முகர்ஜி நடித்துள்ள 'இறைவி' படம் ஜூன் 3-ஆம் தேதி ரிலீசாகவிருக்கிறது. ஸ்டுடியோ கிரீன், திருக்குமரன் என்டர்டெயின்மென்ட், அபி&அபி ஆகிய நிறுவனங்கள் இணைந்து 'இறைவி' படத்தை தயாரித்துள்ளனர்.
பட விநியோகத்தில் இந்த மூன்று நிறுவனங்களும் அனுபவம் பெற்றிருந்தாலும், இறைவி படத்தின் தமிழக தியேட்டரிகல் ரைட்ஸ் எனும் வெளியீட்டு உரிமையை கே.ஆர்.பிலிம்ஸ் என்ற நிறுவனத்திடம் விற்றுவிட்டனர். எம்.ஜி. அடிப்படையில் ஏழரை கோடி கொடுத்து இறைவி உரிமையை கைப்பற்றியுள்ளது கே.ஆர்.பிலிம்ஸ்.
சமீபத்தில் வெளியாகி வெற்றிபெற்ற விஜய் ஆண்டனியின் 'பிச்சைக்காரன்' படத்தை கே.ஆர்.பிலிம்ஸ்தான் தமிழகம் முழுக்க விநியோகம் செய்தது! விஜய் ஆண்டனிக்கு மிகப்பெரிய லாபத்தைக் கொடுத்தது கே.ஆர்.பிலிம்ஸ். 'பிச்சைக்காரன்' இந்நிறுவனத்தின் முதல் வெளியீடு என்பது குறிப்பிடத்தக்கது. 'பிச்சைக்காரன்' படத்தை தொடர்ந்து காக்காமுட்டை மணிகண்டன் இயக்கிய குற்றமே தண்டனை படத்தை வாங்கியுள்ள கே.ஆர்.பிலிம்ஸ் அதற்கு முன்னதாக இப்போது பெரும் எதிர்பார்ப்பில் இருந்து வரும் கார்த்திக் சுப்பராஜின் 'இறைவி' யை வெளியிடவிருக்கிறது.
'ஏரியா 78' என்ற நிறுவனமும் பட விநியோகத்தில் கே.ஆர்.பிலிம்ஸுடன் கை கோர்த்துள்ளது. சென்னையில் நடந்த 'இறைவி' படத்தின் புரொமோஷன் நிகழ்ச்சியில் 'ஏரியா 78' நிறுவனத்தின் துவக்க நிகழ்ச்சியும் நடைபெற்றது. இந்த நிகழ்ச்சிக்காக மட்டும் 18 லட்சம் செலவிடப்பட்டிருந்தது. 'ஏரியா 78' நிறுவனம் தொடர்ந்து திரைப்படங்களை விநியோகம் செய்யவிருப்பதோடு, திரைப்பட தயாரிப்பிலும் களமிறங்கவிருக்கிறது.