‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
இது இரண்டாம் பாகங்களின் காலம் போலிருக்கிறது. சமீப காலமாக அவ்வப்போது வெற்றி பெற்ற படங்களின் இரண்டாம் பாகம் வெளிவந்து கொண்டிருக்கிறது. இரு தினங்களுக்கு முன்பு கூட கோ 2 படம் வெளியாகியுள்ளது. தற்போது சிங்கம் 3, சென்னை 28 - 2, எந்திரன் 2 தொடர் பாகங்கள் உருவாகி வருகின்றன. இருந்தாலும் சில படங்களின் தொடர்ச்சியை மீண்டும் எடுக்க மாட்டார்களா என ஏங்க வைக்கும் சில படங்களும் இருக்கின்றன.
அந்த விதத்தில் ரஜினிகாந்தின் பாட்ஷா, கமல்ஹாசனின் இந்தியன் ஆகிய திரைப்படங்கள் வராதா என்ற ஏக்கம் ரசிகர்களிடம் உள்ளது. பாட்ஷா படத்தின் இரண்டாம் பாகம் பற்றி கடந்த வருடம் செய்திகள் அடிபட்டது. ஆனால், அப்படி வருவதற்கு வாய்ப்பில்லை, ரஜினிகாந்த் அதை விரும்பவில்லை, ரசிகர்கள் மனதில் ஒரே பாட்ஷா மட்டுமே இருக்கட்டும் என்று சொன்னதாகத் தகவல் வெளியாகியது.
இப்போது கமல்ஹாசன், ஷங்கர் முதன் முறையாக இணைந்த இந்தியன் படத்தின் இரண்டாம் பாகம் உருவாகப் போவதாக தகவல்கள் வெளியாகியுள்ளது. இந்தியன் படத்தை தயாரித்த ஏ.எம். ரத்னம் இரண்டாம் பாகத்தையும் தயாரிக்கப் போவதாகவும், இது சம்பந்தமாக கமல்ஹாசன், ஷங்கர் ஆகியோரிடம் அவர் பேசியுள்ளதாகவும் சொல்கிறார்கள். இந்தியன் திரைப்படம் வெளிவந்து சுமார் 20 வருடங்கள் ஆகிவிட்டது. மீண்டும் அந்தக் கூட்டணி இணைந்தால் நிச்சயம் மீண்டும் ஒரு தரமான படம் கிடைக்கும் என்பதை ரசிகர்கள் நிச்சயம் எதிர்பார்க்கலாம்.