‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
'நான் கடவுள்' படத்தின் வரவேற்புக்குப் பிறகு தமிழ்த் திரையுலகில் குறிப்பிடும்படியான நடிகராக ஆர்யா பெயர் பெற்றார். தொடர்ந்து 'மதராசப்பட்டிணம், பாஸ் என்கிற பாஸ்கரன், அவன் இவன்' ஆகிய படங்கள் அவரது மார்க்கெட்டை நிலையாக வைத்திருந்தன. ஆனால், அதன் பின் அவர் நடித்து வெளிவந்த ''வேட்டை, சேட்டை, ஆரம்பம், இரண்டாம் உலகம், மீகாமன், புறம்போக்கு என்கிற பொதுவுடமை, வாசுவும் சரவணனும் ஒண்ணா படிச்சவங்க, யட்சன், இஞ்சி இடுப்பழகி” என ஒன்பது தோல்விப் படங்கள் அவரது மார்க்கெட்டைப் பதம் பார்த்தன. இடையில் வந்த 'ராஜா ராணி' படம் மட்டுமே வெற்றிப் படமாக அமைந்தது.
மலையாளத்தில் வெளிவந்து வெற்றி பெற்ற 'பெங்களூர் நாட்கள்' படத்தில் மூன்று ஹீரோக்களில் ஒருவராக நடித்து முடித்துள்ளார். இப்படம் அடுத்த வாரம் வெளியாக உள்ளது. இதையடுத்து தொடர்ந்து அவர் மலையாளத்தில் வெளிவந்து வெற்றி பெற்ற சில படங்களின் ரீமேக்கில் நடிக்க முடிவு செய்திருக்கிறாராம். 'பிரேமம்' புகழ் நிவின் பாலி நடித்து மலையாளத்தில் வெளிவந்த 'ஒரு வடக்கன் செல்ஃபி' படத்தின் தமிழ் ரீமேக்கிலும், திலீப் நடித்து வெளிவந்துள்ள '2 கன்ட்ரீஸ்' படத்தின் தமிழ் ரீமேக்கிலும் நடிக்க உள்ளாராம்.
நேரடிக் கதைகளில் நடித்து தோல்வியைச் சந்திப்பதை விட தற்போதைக்கு மற்ற மொழிகளில் வெளிவந்து வெற்றி பெற்ற படங்களின் ரீமேக்கில் நடித்து தன்னுடைய மார்க்கெட்டைக் காப்பாற்றிக் கொள்ளவே இந்த முடிவாம்.