‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
நடைபெற இருக்கும் தென்னிந்திய நடிகர் சங்கதேர்தலில் விஷால் அணிக்கு, நடிகர் கமல்ஹாசன் ஆதரவு தெரிவித்துள்ளார். தென்னிந்திய நடிகர் சங்கத்திற்கு வருகிற 18ந் தேதி தேர்தல் நடக்கிறது. தற்போதுள்ள தலைவர் சரத்குமார், ராதாரவி மீது கடுமையான ஊழல் குற்றச்சாட்டுக்களை கூறி இளம் நடிகர்கள் விஷால் தலைமையில் தனி அணி அமைத்து போட்டியிட உள்ளனர். இரு அணியினரும் தீவிர பிரச்சாரத்திலும், ஓட்டு சேகரிப்பிலும் ஈடுபட்டு வருகிறார்கள். தமிழ் சினிமாவில் இருக்கும் திரை நட்சத்திரங்களும், நாடக நடிகர்களும் ஒவ்வொரு அணியினருக்கு தங்களது ஆதரவை தெரிவித்து வருகின்றனர்.
தமிழ் சினிமாவில் முன்னணி நடிகர்களாக இருக்கும் ரஜினிகாந்த், கமல்ஹாசன், விஜய், அஜித் ஆகியோர் எந்த அணிக்கும் ஆதரவு தருவார்கள் என்ற எதிர்பார்ப்பும் நிலவியது. இந்தச்சூழலில் நடிகர் விஷால் அணியினர் ஏற்கனவே நடிகர்கள் ரஜினிகாந்த் மற்றும் கமல்ஹாசனை சந்தித்து ஆதரவு கோரினர்.
விஷால் அணியில் தலைவர் பதவிக்கு சரத்குமாரை எதிர்த்து நாசர் போட்டியிட இருக்கிறார். விஷால் தலைமையிலான பாண்டவர் அணிக்கு நடிகர் கமல்ஹாசன் தனது ஆதரவை தெரிவித்திருக்கிறார். அதோடு நாசரின் வேட்புமனுவையும் கமல் முன்மொழிந்தார். கூடவே நடிகை கெளதமியும் வழிமொழிந்தார்.
முன்னதாக தலைவர் பதவிக்கு போட்டியிடும் நடிகர் சரத்குமார் மற்றும் துணை தலைவர் பதவிக்கு போட்டியிடும் விஜயகுமார் இன்று தங்களது வேட்புமனுக்களை தாக்கல் செய்தனர். இன்றோ அல்லது நாளையோ விஷால் அணியினர் தங்களது வேட்புமனுக்களை தாக்கல் செய்யப்படலாம் என தெரிகிறது.