மீண்டும் வருகிறார் ஜென்சி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

மீண்டும் வருகிறார் ஜென்சி

09 செப், 2015 - 12:30 IST

எழுத்தின் அளவு:

பாடகி ஜென்சியை நினைவிருக்கிறதா? 1978 முதல் 1982 வரை இளையராஜாவின் இசையில் காலத்தால் அழியாத பல காவிய பாடல்களை பாடியவர். "ஆயிரம் மலர்களே மலருங்கள் அமுத கீதம் பாடுங்கள்...", "தெய்வீக ராகம் தெவிட்டாத பாடல்..." போன்ற உள்ளத்தை உருக்கும் பாடல்களை பாடியவர்.

மலையாள மேடைகளில் பாடிக் கொண்டிருந்தவர் ஜேசுதாஸ் மூலம் இளையராஜாவுக்கு அறிமுகமாகி இசை உலகில் வலம் வந்தவர். புகழின் உச்சியில் இருக்கும்போதே திருமணம் செய்து கொண்டு திரையுலகை விட்டு விலகினார். கொச்சி அருகில் உள்ள மாட்டான்சேரியில் உள்ள குஜராத்தி பள்ளியில் இசை ஆசிரியையாக பணியில் சேர்ந்தவர் அண்மையில் ஓய்வு பெற்றார். கணவர் கிரகேரி தாமஸ் பிசினஸ் மேன், ஒரு மகன் அமெரிக்காவில் படிக்கிறார். மகள் திருமணமாகி ஆஸ்திரேலியாவில் இருக்கிறார்.

பணி ஓய்வு பெற்றிருக்கும் ஜென்சி மீண்டும் தன் இசை பயணத்தை தொடர விருப்பம் கொண்டிருக்கிறார். தற்போது ஒரு மலையாளப் படத்தில் பாட இருக்கிறார். தொடர்ந்து ஸ்ரீகாந்த் தேவா இசையில் தமிழ் படம் ஒன்றிலும் பாட இருக்கிறார்.

Jency

ஜென்சி

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய