‛ஆனந்த ராகம்' பாடிய அபூர்வ குரல் உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
ரசிகர்கள் எதிர்பார்க்கும் பெரிய படங்கள் இந்த மாதத்தில் அடுத்தடுத்து வெளிவரவிருக்கின்றன. அவற்றில் முதலில் வெளிவரவிருப்பது அஜித் நடிக்கும் என்னை அறிந்தால்.
கௌதம் மேனன் இயக்கத்தில், அஜித் உடன், அனுஷ்கா, த்ரிஷா, உட்பட பலர் நடித்திருக்கும் என்னை அறிந்தால் படம் பிப்ரவரி 5 ஆம் தேதி வெளியாகவிருக்கிறது. கடந்த வருடம் பொங்கலுக்கு வெளிவந்த வீரம் படத்திற்குப் பிறகு சரியாக ஒரு வருட இடைவெளியில் என்னை அறிந்தால் படம் வெளியாவதால் அஜித்தின் ரசிகர்கள் மிக ஆர்வமுடன் காத்துக் கொண்டிருக்கிறார்கள்.
அதேபோல் கே.வி.ஆனந்த் இயக்கத்தில் தனுஷ் நடித்திருக்கும் அனேகன் படம் பிப்ரவரி மாதத்தின் இரண்டாவது வெள்ளிக்கிழமையான 13 ஆம் தேதி ரிலீஸாகிறது. தமிழ்நாட்டில் மட்டும் 400க்கும் அதிகமான திரையரங்குகளில் அனேகன் வெளியாவதாக தகவல். முதல்முறையாக தனுஷ் நடித்த படம் இத்தனை அதிக எண்ணிக்கையில் வெளியாகிறது.
தனுஷின் தயாரிப்பில் சிவகார்த்திகேயன் நடித்திருக்கும் காக்கி சட்டை படம் பொங்கலுக்கே ரிலீஸாக வேண்டியது. ஐ படத்தின் ரிலீஸ் காரணமாகவும், என்னை அறிந்தால் ரிலீஸ் காரணமாகவும் இப்படத்தின் ரிலீஸ் தள்ளி வைக்கப்பட்டுக் கொண்டே போனது. கடைசியாக, இப்போது வரும் பிப்ரவரி 27ஆம் தேதி காக்கி சட்டை படம் வெளியாகவிருக்கிறது. காக்கி சட்டை படத்தை வாங்கி வெளியிடும் எஸ்கேப் ஆர்ட்டிஸ்ட்ஸ் மோஷன் பிக்சர்ஸ் நிறுவனம் இந்த தகவலை உறுதி செய்திருக்கிறார்கள்.
இந்த மூன்று படங்கள் தவிர கார்த்தி நடித்த கொம்பன் படமும் பிப்ரவரி மாதம் வெளிவர வாய்ப்பிருக்கிறது. மொத்தத்தில் பிப்ரவரி மாதம் சினிமா ரசிகர்களுக்கு கொண்டாட்டமான மாதம்தான்.