‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
ரஜினி நடித்த லிங்கா படத்தின் ஃபர்ஸ்ட் லுக் டீஸர், பாடல்கள், டிரைலர் என அனைத்துமே ரசிகர்களிடம் வரவேற்பைப் பெற்று ஒரு பக்கம் பட்டையைக் கிளப்பிக் கொண்டிருக்கின்றன. ஏ.ஆர்.ரஹ்மான் இசையமைப்பில் உருவான லிங்கா பட ஆல்பத்தில் ரஹ்மான் பாடிய ஓ நண்பனே... என்ற பாடல், இனோ பாடிய மோனா கேசோலினா... என்ற பாடலும் ரசிகர்கள் மத்தியில் பெரிய வரவேற்பைப் பெற்றிருக்கிறது.
ரஜினி ரசிகர்களுக்கோ எல்லாப்பாடல்களுமே தேசிய கீதம். அதுமட்டுமல்ல லிங்கா ஆல்பம் ஐ டியூன்ஸிலும் டாப் 10 லிஸ்ட்டில் இடம்பிடித்திருக்கிறது. ரஜினியின் பிறந்தநாளான டிசம்பர் 12 ஆம் தேதி லிங்கா படத்தை உலகமெங்கும் பிரம்மாண்டமாக ரிலீஸ் செய்ய இருக்கிறார்கள். எக்காரணத்தைக் கொண்டும் ரிலீஸ் செய்வதில் பிரச்சனை வரக்கூடாது என்பதற்காக முன் எச்சரிகையாக லிங்கா படத்தை முன்கூட்டியே சென்சாருக்கு அனுப்ப உள்ளனர். தற்போது படத்தின் இறுதிகட்ட வேலைகள் வேகமாக நடைபெற்று வருகின்றன. திட்டமிட்டபடி சென்சாருக்கு அனுப்புவதற்காக இரவு பகலாக உழைத்து வருகிறார்கள். ஒருவேளை அதற்குள் படத்தின் பின்னணி இசையை ஏ.ஆர்.ரஹ்மான் முடித்துக்கொடுக்கவில்லை என்றால் டம்மி ட்ராக்கை வைத்து சென்சாருக்கு அனுப்ப தயாராக உள்ளனர்.
ரஜினி படத்தைப் பொறுத்தவரை ஏ சர்டிஃபிகேட் வழங்கும் அளவுக்கு வன்முறையோ..ஆபாசமோ இருக்காது, பெரும்பாலும் யு சர்டிஃபிகேட்தான் கிடைக்கும். ஆனாலும், லிங்கா படத்தில் சென்சிடிவ்வான முல்லைப்பெரியாறு அணை பிரச்சனையை கையிலெடுத்திருப்பதால் சென்சாரில் ஏதாவது பிரச்சனை வருமோ டென்ஷனில் இருக்கிறது லிங்கா படத்தின் தயாரிப்பு தரப்பு!