Dinamalar

அந்த ஹீரோவின் கால்ஷீட் கிடைக்காததால் தான் வாத்தி படத்தில் தனுஷ் நடித்தார் : வெங்கி அட்லூரி

தனுஷ் நடிப்பில் கடந்த 2023ல் தெலுங்கு மற்றும் தமிழ் என இரு மொழி படமாக வெளியானது வாத்தி திரைப்படம். தனுஷ் முதன் முதலில் தெலுங்கில் நடித்த இந்த படத்தை வெங்கி அட்லூரி இயக்கியிருந்தார். மிகுந்த எதிர்பார்ப்புடன் வெளியானாலும் பெரிய வெற்றியை பெறவில்லை. ஆனாலும் லாபகரமான படமாக அமைந்தது. இதனை தொடர்ந்து கடந்த வருடம் லக்கி பாஸ்கர் என்கிற வெற்றி படத்தை கொடுத்த வெங்கி அட்லூரி அடுத்ததாக சூர்யா நடிக்க இருக்கும் அவரது 46வது படத்தை இயக்குகிறார். இந்த நிலையில் சமீபத்திய பேட்டி ஒன்றில் அவர் கூறும்போது வாத்தி படத்தில் முதலில் நடிக்க இருந்தது தனுஷ் அல்ல என்கிற புதிய தகவலை கூறியுள்ளார்.

இதுகுறித்து அவர் கூறும்போது, “வாத்தி கதாபாத்திரத்தில் ரவி தேஜா நடிப்பதாகத்தான் கதையை எழுதி இருந்தேன். அவரிடம் சொன்னபோது கதை பிடித்து இருக்கிறது. ஆனால் சில மாதங்கள் வரை என் கால்சீட் இல்லை. அதே சமயம் எனக்காக காத்திருங்கள் என்றும் சொல்ல மாட்டேன். வேறு வாய்ப்பு வந்தாலும் முயற்சி செய்யுங்கள் என்று கூறிவிட்டார். அதன் பிறகு தான் அந்த படத்தில் தனுஷ் நடிக்க ஒப்பந்தமானார்.

இந்த விஷயத்தை ரவி தேஜாவிடம் சொன்ன போது தனுஷ் மிகப்பெரிய ஹீரோ. கவனமாக பார்த்து செய்யுங்கள் என்று கூறினார். படம் வெளியான பிறகு படத்தை பார்த்துவிட்டு நான் இதில் நடித்திருந்தால் என் கதாபாத்திரத்தை வேறு மாதிரி செய்திருப்பேன் என்று கூறினார் ரவிதேஜா” என்று வெங்கி அட்லூரி கூறியுள்ளார்..

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• வரவிருக்கும் படங்கள்
• டுவிட்டர்

• 
  சாய்பல்லவி நடித்த முதல் ஹிந்தி பாடலுக்கு வரவேற்பு
• 
  துரந்தர் 2 : படம் பார்க்காமல் பாராட்டிய ஆமிர்கான்
• 
  ஒரே வாரத்தில் ஆயிரம் கோடி வசூல் செய்த துரந்தர் 2
• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...

• 
  சான்வே மேக்னாவின் புதிய படம்
• 
  பிளாஷ்பேக்: இளையராஜாவின் ஆல்பம் இசையை பின்னணி இசையாக பயன்படுத்திய ...
• 
  பிளாஷ்பேக் : கடைசி வரை கஷ்டத்தில் வாழ்ந்த புஷ்பவல்லி
• 
  நிறைய சுமைகளை சுமக்காதீர்கள் : சமுத்திரகனி அட்வைஸ்
• 
  ‛நூறு சாமி' படக் கதை குறித்து பகிர்ந்த சசி