Dinamalar

பிளாஷ்பேக்: 100 தியேட்டர்களில் வெளியான முதல் படம்

சினிமாவின் ஆரம்ப காலத்தில் ஒரு படம் 50 முதல் 60 தியேட்டர்களில்தான் வெளியாகும், மாவட்ட தலைநகரங்கள், பெரிய நகரங்களில் மட்டுமே வெளிவரும். இந்த நிலையில் முதன் முதலாக 100 தியேட்டர்களில் வெளியான படம் 'உலகம்'.

எல்.எஸ்.ராமசந்திரன் இயக்கிய இந்தப் படத்தில் சித்தூர் வி. நாகையா, எம்.வி.ராஜம்மா, டி.இ.வரதன், பி.கே.சரஸ்வதி, பி.எஸ்.வீரப்பா, டி.கே.பகவதி, எம்.எஸ்.திரவுபதி, டி.ஆர்.ரஜனி, எஸ்.எம்.குமரேசன், 'புலிமூட்டை' ராமசாமி, சதன், ஈ.ஆர்.சுவாமி, எம். டி.கே.சம்பங்கி, குஞ்சிதபாதம் பிள்ளை, வி.டி.கல்யாணம், டி.வி.சேதுராமன், 'அப்பா' கே. துரைசாமி, எம். லட்சுமிபிரபா, சி. கே. சரஸ்வதி, கே. எஸ். அங்கமுத்து, கே. அரங்கநாயகி, என். ஆர். சகுந்தலா, ஜி. சரோஜா, 'பேபி' லட்சுமி குமாரி, கமலா உள்ளிட்ட பெரிய நட்சத்திர பட்டாளமே நடித்தது.

ஒரு ஏழை மனிதனும் அவனது மனைவியும் திடீர் பணக்காரர்களாக மாறுவதால் ஏற்படும் பிரச்னைகளை பேசிய படம். லலிதா, பத்மினியின் நடனங்கள், தாராசிங்கின் குத்துச் சண்டை காட்சிகள் அப்போது சென்னையில் நடந்த சில முக்கிய நிகழ்ச்சிகளையும் இந்த படத்தோடு இணைத்து வெளியிட்டார்கள்.

படத்தை 100 தியேட்டர்களில் வெளியிட்டதோடு படத்தை சிறப்பாக விமர்சனம் செய்பவர்களுக்கு ஒரு லட்சம் வரை பரிசும் வழங்கினார்கள். நட்சத்திர நடிகர்கள், கவர்ச்சிகரமான பரிசுகள் மற்றும் பல இருந்தபோதிலும், படம் பெரிய வரவேற்பை பெறவில்லை. இந்த படத்தின் பிரதியும் இப்போது இல்லை.

• 
  பெண் ஓவியரின் பயோபிக்கில் நடிக்கும் அஞ்சலி சிவராமன்
• 
  விவாகரத்து செய்திகளுக்கு மவுனி ராய் கொடுத்த விளக்கம்
• 
  ஜோதிகாவின் ஹிந்தி படம் 'சிஸ்டம்' : 22ம் தேதி ஓடிடியில் வெளியாகிறது
• 
  உயரம் காரணமாக பல வாய்ப்புகளை இழந்தேன் ; அஜித் பட நாயகி வருத்தம்
• 
  மோசமான தோல்வியை சந்தித்த 'ஏக் தின்'

• 
  உண்மை எப்போதும் வெல்லும் : ஆர்த்தி பதிவு; குஷ்பு ஆதரவு
• 
  விஜய் அண்ணாவுக்கு நிறைய சவால்கள் இருக்கிறது : சவுந்தர்யா ரஜினி
• 
  என் மனைவியை காப்பாற்றுங்க : முதல்வர் விஜய்க்கு நடிகர் முத்துக்காளை ...
• 
  விவாகரத்து வரை சினிமாவிற்கு முழுக்கு, என் குடும்பத்தை கெடுத்தவர் ...
• 
  'ஜனநாயகன்' படத்தை கசிய விட்டவர்கள் மீது குண்டர் சட்டம் பாய்ந்தது