தமிழ் சினிமாவில் தொடரும் 1000 கோடி கனவு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

23 ஆக, 2025 - 10:28 IST

எழுத்தின் அளவு:

The-1000-crore-dream-continues-in-Tamil-cinema

தமிழ் சினிமாவில் அதிகபட்ச வசூலாக ரஜினிகாந்த் நடித்த '2.0' படம்தான் இதுவரையிலும் உள்ளது. கடந்த ஏழு வருடங்களாக அந்த சாதனை முறியடிக்கப்படாமல் உள்ளது. கடந்த வாரம் வெளியான 'கூலி' படம் அந்த சாதனையை முறியடித்து 1000 கோடி வசூலை எட்டும் என படம் வருவதற்கு முன்பாக சிலர் கூறினார்கள். ஆனால், '2.0' படத்தின் வசூலையே 'கூலி' படம் தாண்டுமா என்பது சந்தேகம்தான்.

படம் வெளியாகி ஒரு வாரம் ஆகிவிட்டது. இன்றும், நாளையும் ஓரளவிற்கு படத்திற்கு வரவேற்பு இருக்கும். அடுத்த வார வேலை நாட்கள் ஆரம்பித்தால் வரவேற்பு மிகவும் குறைந்துவிடும் என்பதுதான் உண்மை நிலவரம். கடைசியாக நான்கு நாள் வசூலாக 404 கோடி என்றார்கள். இந்த வார இறுதி வசூலுடன் சேர்த்தால் 500 கோடியைத் தாண்ட வாய்ப்புள்ளது.

இதனால், தமிழ் சினிமாவில் 1000 கோடி வசூல் என்பது கனவாகவே தொடர்கிறது. இதற்கடுத்து அப்படி ஒரு எதிர்பார்ப்பை ரஜினிகாந்த் நடித்து வரும் 'ஜெயிலர் 2' படம்தான் தர வேண்டும். அந்தப் படம் அடுத்த ஆண்டுதான் வெளியாகும். அதுவரை தமிழ் சினிமா ரசிகர்கள் 1000 கோடி வசூலுக்காகக் காத்திருக்க வேண்டும்.

கருத்துகள் (0) கருத்தைப் பதிவு செய்ய

இனி, நடிப்புக்கு முழுக்கு: சமந்தா ...

ரஜினியை சந்தித்த சிம்ரன்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய