Dinamalar

மகேஷ்பாபுவை அடுத்து மல்டிபிளக்ஸ் தியேட்டர் திறந்த ரவி தேஜா

தெலுங்குத் திரையுலகத்தில் நடிகர் மகேஷ்பாபுவைத் தொடர்ந்து நடிகர் ரவி தேஜா ஐதராபாத்தில் மல்டிபிளக்ஸ் தியேட்டர் ஒன்றைத் திறந்திருக்கிறார். ஐதராபாத் நகரின் கிழக்குப் பகுதியில் வனஸ்தலிபுரம் என்ற இடத்தில் 'ஏஆர்டி சினிமாஸ்' என்ற பெயரில் அந்த மல்டிபிளக்ஸ் திறக்கப்பட்டுள்ளது.

பிரம்மாண்டமான 'எபிக் ஸ்கிரீன்' கொண்ட ஒரு தியேட்டருடன், மொத்தம் 6 தியேட்டர்கள் அந்த மல்டிபிளக்ஸில் உள்ளன. 4கே திரையீடு, டால்பி அட்மாஸ் உள்ளிட்ட வசதிகளும் இருக்கின்றன.

ஏசியன் சினிமாஸ் நிறுவனம் இதற்கு முன்பு மகேஷ்பாபுவுடன் இணைந்து 'எஎம்பி சினிமாஸ் - ஏசியன் மகேஷ் பாபு சினிமாஸ்' என்ற மல்டிபிளக்ஸ் தியேட்டரை ஐதரபாத்தில் திறந்தது. தற்போது அந்த நிறுவனம் ரவிதேஜாவுடன் இணைந்து 'ஏஆர்டி சினிமாஸ் - ஏசியன் ரவி தேஜா சினிமாஸ்' என்ற மல்டிபிளக்ஸ் தியேட்டரை திறந்துள்ளது.

தனுஷ் நடித்து வெளிவந்த 'குபேரா' உள்ளிட்ட பல படங்களைத் தயாரித்த ஸ்ரீ வெங்கடேஸ்வரா சினிமாஸ் என்ற நிறுவனம் இந்த ஏசியன் குரூப் நிறுவனத்தின் ஒரு அங்கம்.

தெலுங்குத் திரையுலகத்தில் சினிமா தயாரிப்பில் ஈடுபட்டு வந்த சில நடிகர்கள் அடுத்து தியேட்டர் தொழிலிலும் ஈடுபட ஆரம்பித்துள்ளனர். தமிழ் சினிமாவில் சில தயாரிப்பாளர்கள்தான் தியேட்டர் தொழிலுக்குள் நுழைந்துள்ளனர். ஆனால், எந்த நடிகரும் அதில் இன்னும் நுழையவில்லை. இதே ஏசியன் நிறுவனம் சிவகார்த்திகேயனுடன் இணைந்து தமிழகத்தில் தியேட்டர் தொழிலில் ஈடுபடப் போவதாக முன்னர் செய்திகள் வெளிவந்தது.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  2046ல் என்ன நடக்கும் ? ரஜிஷா விஜயனின் புதிய படம் பதில் சொல்லும்
• 
  ஆல்பம் பாடலில் அதிர வைக்கும் அழகுடன் மஞ்சு வாரியர்
• 
  ‛திரிஷ்யம் 3' கிளைமாக்ஸ் ஷாக்கிங் ஆக இருக்கும் : நடிகை ஆஷா சரத்
• 
  சம்பளத்துக்கு பதிலாக ஷேர் வாங்கும் அல்லு அர்ஜுன்!
• 
  மீண்டும் ஜிம்மில் ஒர்க்அவுட் செய்யும் வீடியோவை வெளியிட்ட திரிஷா!