Dinamalar

படம் வெளியான மதியமே சக்சஸ் மீட் நடத்திய 'ஹரிஹர வீரமல்லு'

ஒரு படம் வெளியானால் குறைந்தபட்சம் மறுநாள் தான் சக்சஸ் மீட் என தெலுங்குத் திரையுலகத்தில் கொண்டாடுவார்கள். ஆனால், நேற்று வெளியான 'ஹரிஹர வீரமல்லு' படத்திற்கு நேற்று மதியமே சக்சஸ் மீட் நடத்தி ஆச்சரியப்படுத்தி உள்ளார்கள்.

ஜோதி கிருஷ்ணா இயக்கத்தில் கீரவாணி இசையமைப்பில், பவன் கல்யாண், நிதி அகர்வால் மற்றும் பலர் நடிப்பில் நேற்று பான் இந்தியா படமாக இப்படம் வெளியானது. இப்படத்திற்காக கடந்த சில நாட்களாகவே புரமோஷன் வேலைகளில் ஈடுபட்டு வந்தார் பவன் கல்யாண். ஒரு வழியாக சக்சஸ் மீட்டையும் நடத்தி தனது துணை முதல்வர் பணிகளை தொடர்வோம் என இந்தப் படத்திற்கான தனது பணியை நேற்றே முடித்துவிட்டார் என்கிறார்கள். இதோடு அவரது அடுத்த படத்திற்கு மட்டுமே அவர் மீண்டும் நிகழ்ச்சிகளில் கலந்து கொள்ளலாம், அல்லது கலந்து கொள்ளாமலும் போகலாம்.

“வழக்கமாக நான் சினிமா புரமோஷன்களில் கலந்து கொள்ள மாட்டேன். இதுதான் நான் முதன்முதலில் கலந்து கொள்ளும் சக்சஸ் மீட். துணை முதல்வராக இருப்பதால் படம் வெளியிடுவது எளிது என நினைத்திருந்தேன். ஆனால், கடந்த ஒரு வார காலமாக எனக்கு சரியான தூக்கமும் இல்லை. கடந்த 30 வருடங்களாக ஒரு நடிகராக நான் எப்படி இருந்தேன் எனது அனுபவம் என்ன என்பதை கடந்த இரண்டு நாட்களாக பேசி வந்தேன். என்னை எப்போதும் ஒரு ஹீரோ என நான் நினைத்ததில்லை. ஆனால், விதி என்னை ஹீரோவாகவும், அரசியல்வாதியாகவும் ஆக்கியது.

படத்தின் கிளைமாக்ஸ் ரசிகர்களுக்குப் பிடித்திருக்கிறது. படத்தின் இரண்டாவது பாகத்தை விரைவில் வெளியிட காத்திருக்கிறேன்,” என்று பவன் கல்யாண் அவரது பேச்சில் குறிப்பிட்டுள்ளார்.

• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு
• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு

• 
  தமிழ் புத்தாண்டு தினத்தில் சூர்யாவுடன் மோதும் விஷால்!
• 
  என் படங்களுக்காக ரசிகர்களை எதிர்ப்பார்ப்புடன் காத்திருக்க வைப்பேன்! - ...
• 
  விளையாட்டால் நிகழும் பிரச்னையே ‛கேம்' : சொல்கிறார் ஷ்ரத்தா ஸ்ரீநாத்
• 
  ஜீவாவின் 'தலைவர் தம்பி தலைமையில்' படத்தின் பர்ஸ்ட் லுக் போஸ்டர் ...
• 
  கமல் பிறந்தநாள் : ரீ-ரிலீஸாகும் ‛நாயகன்'