Dinamalar

ஆக்டர் ஆன தஞ்சாவூர் டாக்டர்

பெண் டாக்டர்கள் சினிமாவிற்கு வருவது அதிகரித்துள்ளது. சாய்பல்லவி, வித்யா பிரதீப் உள்ளிட்ட பலர் உள்ளனர். இந்த நிலையில் தஞ்சாவூரில் இருந்தும் ஒரு டாக்டர், நடிகை ஆகியிருக்கிறார். தஞ்சை மாவட்டம், பட்டுக்கோட்டையை சேர்ந்தவர் தீபா பாலு. டாக்டருக்கு படித்துள்ள இவருக்கு நடிப்பு மீது ஆர்வம் அதிகம். இதனால் டாக்டர் சேவையை செய்து கொண்டே யு டியூப்களில் வெளியான சில குறும்படங்களில் நடித்தார். அதில் அவர் நடித்த 'தேன் மிட்டாய்' என்ற தொடர் பரவலான பாராட்டை பெற்றது.

தற்போது ஹாட்ஸ்டாரில் ஒளிபரப்பாகி வரும் 'ஹார்ட் பீட்' தொடரில் டாக்டராகவே நடிக்கிறார். அவரது கதாபாத்திரமான 'ரீனா' பாப்புலராகி உள்ளது. அடுத்து சினிமாவில் நடிக்க தயாராகி வருகிறார்.

இதுகுறித்து அவர் கூறும்போது "தமிழ் சினிமா கதாநாயகிகளுக்கும் முக்கியத்துவம் கொடுக்கும் வகையில் வலுவான கதாபாத்திரங்களைக் கொடுத்து வருகிறது. அந்த வகையில், நடிகைகள் ரேவதி, நதியா, ஜோதிகா மற்றும் சாய்பல்லவி ஆகியோர் வழியில் நானும் தரமான கேரக்டர்களை தேர்வு செய்து நடிக்க இருக்கிறேன். நடிப்புத் திறமையை நிரூபிக்கும் வகையிலான கதாபாத்திரம் வரும்போது முழு அர்ப்பணிப்புடன் அந்த கதாபாத்திரத்திற்கு உயிர் கொடுக்கத் தயாராக இருக்கிறேன். நிறைய வாய்ப்புகள் வருகிறது, கதைகள் கேட்கிறேன். விரைவில் அறிவிப்பு வெளிவரும்" என்கிறார் தீபா.

• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு
• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு
• 
  ஏஐ தொழில்நுட்பத்தில் இரட்டை வேடங்களில் நடிக்கும் சன்னி லியோன்

• 
  என் படங்களுக்காக ரசிகர்களை எதிர்ப்பார்ப்புடன் காத்திருக்க வைப்பேன்! - ...
• 
  விளையாட்டால் நிகழும் பிரச்னையே ‛கேம்' : சொல்கிறார் ஷ்ரத்தா ஸ்ரீநாத்
• 
  ஜீவாவின் 'தலைவர் தம்பி தலைமையில்' படத்தின் பர்ஸ்ட் லுக் போஸ்டர் ...
• 
  கமல் பிறந்தநாள் : ரீ-ரிலீஸாகும் ‛நாயகன்'
• 
  படிப்புக்கும் நடிப்புக்கும் சம்பந்தமில்லை: பள்ளிகால அனுபவம் பகிர்ந்த ...