சூப்பர் ஹீரோயினாக மாறிய கல்யாணி பிரியதர்ஷன்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

08 ஜூன், 2025 - 04:04 IST

எழுத்தின் அளவு:

இந்திய திரைப்படங்களில் பெரும்பாலும் சூப்பர் ஹீரோ கதை அம்சம் கொண்ட படங்கள் குறைவாகவே வெளியானாலும் அதில் எல்லாமே ஆண்கள் தான் சூப்பர் ஹீரோவாக நடித்து வந்தனர். பெண்கள் சூப்பர் ஹீரோயினாக நடித்திருக்கிறார்களா என்று பார்த்தால் கண்ணுக்கெட்டிய தூரம் வரை அப்படி எந்த படமும் இல்லை.

இந்த நிலையில் நடிகை கல்யாணி பிரியதர்ஷன் அப்படி முதன்முறையாக சூப்பர் ஹீரோயின் கதாபாத்திரத்தில் நடிக்கும் வாய்ப்பையும் பெருமையையும் பெற்றுள்ளார். மலையாளத்தில் தற்போது உருவாகி வரும் லோகா சாப்டர் 1 ; சந்திரா என்கிற படத்தில் தான் சூப்பர் ஹீரோயின் அவதாரம் எடுத்திருக்கிறார். தற்போது வெளியாகியுள்ள இந்த படத்தின் பர்ஸ்ட் லுக்கில் ஒரு சூப்பர் ஹீரோவுக்கான ஆடையுடன் காட்சியளிக்கிறார் கல்யாணி பிரியதர்ஷன்.

கதாநாயகனாக பிரேமலு புகழ் நஸ்லேன் நடிக்க, துல்கர் சல்மானின் வே பாரர் பிலிம்ஸ் தயாரிக்கிறது. டோமினிக் அருண் இயக்குகிறார். மிகப்பெரிய பட்ஜெட்டில் உருவாகும் இந்த படம் அடுத்தடுத்த பாகங்களாகவும் தயாராகும் என்பது இதன் டைட்டிலை பார்க்கும்போது தெரிகிறது. சூப்பர் ஹீரோயின் கதை அம்சம் கொண்ட படம் என்றாலும் மலையாள நேட்டிவிட்டியுடன் இதன் கதை உருவாக்கப்பட்டுள்ளதாக சொல்லப்படுகிறது.

Kalyanipriyadarshan

கருத்துகள் (0) கருத்தைப் பதிவு செய்ய

ஷோபனாவை அவமதித்த ஊழியர் : ...

தக் லைப் படத்தை புகழ்ந்து பதிவிட்ட ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய