Dinamalar

பவன்கல்யாண் பாடிய தமிழ் பாடல்

ஆந்திர துணை முதல்வரான பவன்கல்யாண் நடிக்கும் ஹரிஹர வீரமல்லு, தமிழ், தெலுங்கு, இந்தி, மலையாளம், கன்னடம் ஆகிய மொழிகளில் ஜூன் 12ல் வெளியாகிறது. முதலில் இந்த படத்தை கிரிஷ் இயக்கினார். பல பிரச்னைகளால் படப்பிடிப்பு இழுக்க, மீதி படத்தை தயாரிப்பாளர் ஏ.எம்.ரத்னம் மகனான ஜோதி கிருஷ்ணா முடித்தார். இந்த படத்திற்கு ஆஸ்கர் விருது பெற்ற கீரவாணி இசையமைத்து இருக்கிறார். இதில் ஹீரோவான பவன் கல்யாண் 'கேட்கணும் குருவே' என்ற தமிழ் பாடலை தனது சொந்த குரலில் பாடியிருக்கிறார்.

தெலுங்கில் இப்போது அதிகமாக தத்துவ பாடல் வருவது இல்லை. பவன்கல்யாண் அரசியலிலும் இருப்பதால் இந்தவகையில் தத்துவ பாடலை அவர் பாடியிருக்கிறார். தவிர, குடிக்கு ஆதரவான சில வசனங்களை அவர் பேச மறுத்துவிட்டாராம். நான் துணை முதல்வராக இருப்பதால் அப்படி பேச முடியாது என மறுத்ததுடன், ஒரு பாடல் காட்சியிலும் சில சர்ச்சை வரிகளை நீக்க சொல்லியிருக்கிறாராம். முகலாய மன்னர் அவுரங்க சீப்பை எதிர்த்து போராடுகிற அல்லது அவர் ஆதரவாளர்களிடம் இருந்து ஒரு விஷயத்தை பாதுகாக்கிற கேரக்டரில் நடிக்கிறாராம். ஐதராபாத், சென்னையை தொடர்ந்து இந்த படத்தில் அடுத்த கட்ட நிகழ்ச்சி விரைவில் திருப்பதியில் நடக்க உள்ளது. அதில் பவன்கல்யாண் கலந்து கொண்டு படம் குறித்து பேச உள்ளாராம்.

• செய்திகள்
• வந்த படங்கள்

• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...
• 
  மகளை முத்தமிட்டது தவறா?: பாலிவுட் நடிகர் வேதனை
• 
  இயக்குனர் மீது 'கும்பமேளா' புகழ் மோனலிசா பாலியல் புகார்
• 
  ஆந்திர முதல்வர் சந்திரபாபு நாயுடு - நடிகர் சஞ்சய் தத் சந்திப்பு

• 
  ஐஸ்வர்யா ராய் பார்த்து நடிக்க ஆசைப்பட்டேன்: அபிநயா
• 
  கோவாவில் செட்டில் ஆகிறாரா ரவிமோகன்
• 
  'எல்ஐகே' படத்தால் மாறிய 'காளிதாஸ் 2, லீடர்' வெளியீடுகள்
• 
  தாய்லாந்து தீவில் விஜய் தேவரகொண்டா, ராஷ்மிகா ஹனிமூன்
• 
  பிரசாந்த் நடிக்க வேண்டிய 'பூவே உனக்காக' : தேடிப் போன விஜய் அப்பா…!