Dinamalar

“என் போதை பழக்கத்தால் வெளிநாட்டில் இருக்கும் என் சகோதரிக்கும் கெட்ட பெயர் ஏற்பட்டது” ; வில்லன் நடிகர் விரக்தி

மலையாள திரையுலகில் குறிப்பிடத்தக்க வில்லன் நடிகராக வலம் வருபவர் நடிகர் ஷைன் டாம் சாக்கோ. சமீபகாலமாக தமிழ் மற்றும் தெலுங்கிலும் முக்கிய கதாபாத்திரங்களில் நடித்து வருகிறார். கடந்த 10 வருடங்களுக்கு முன்பே இவர் படப்பிடிப்பில் போதைப்பொருள் பயன்படுத்தினார் என கைது செய்யப்பட்டு ஜாமினில் விடுதலை ஆனார். இந்த நிலையில் மீண்டும் படப்பிடிப்பில் அவர் போதை பொருள் பயன்படுத்தியதாக அவருடன் ஜோடியாக நடித்த நடிகை ஒருவர் பகிரங்கமாக குற்றம் சாட்டினார்.

இன்னொரு பக்கம் சமீபத்தில் கோழிக்கோடு பகுதியில் போதைப் பொருள் கடத்தி கைதான நபர்கள் அளித்த வாக்குமூலத்தில் ஷைன் டாம் சாக்கோ மற்றும் இன்னொரு நடிகரான ஸ்ரீநாத் பாஷி இருவருக்கும் தாங்கள் போதைப்பொருள் சப்ளை செய்து வருவதாக வாக்குமூலத்தில் கூறினார்கள். இதனைத் தொடர்ந்து ஷைன் டாம் சாக்கோவை போலீசார் கைது செய்து காவலில் எடுத்து விசாரித்தனர். அதன்பிறகு ஜாமினில் அவர் விடுதலை செய்யப்பட்டாலும் கூட போதை மறுவாழ்வு மையத்தில் சேர்க்கப்பட்டார். தற்போது அங்கே சிகிச்சை பெற்று வரும் ஷைன் டாம் சாக்கோ, சமீபத்தில் ஒரு யுடியூப் சேனல் ஒன்றில் மனம் திறந்து பேட்டி அளித்துள்ளார்,

இதில் அவர் கூறும்போது, “யாரையும் நம்பக்கூடாது என என் பெற்றோர் கூறுவார்கள். ஆனால் நான் நம்பிக்கையை தான் முக்கியமாக கருதினேன். அதன் மூலம் இந்த போதை பொருள் பழக்கமும் சேர்ந்து கொண்டது. பத்து வருடங்களுக்கு முன்பு இதேபோன்று போதைப் பொருள் பயன்படுத்திய போது அந்த சமயத்தில் என் பெற்றோர்கள் ரொம்பவே பாதிக்கப்பட்டனர்.. எர்ணாகுளம் போலீஸ் ஸ்டேஷனில் என்னை பார்த்து என் தந்தை முதன்முதலாக கதறி அழுதது இப்போதும் ஞாபகத்தில் இருக்கிறது.

வெளிநாட்டில் வசிக்கும் என் தங்கைக்கு கூட எனது செயலால் கெட்ட பெயர் ஏற்பட்டது. அதேசமயம் போதைப்பொருள் நான் பயன்படுத்தினாலும் கூட அதன் மூலம் யாரையும் துன்பப்படுத்தியதில்லை. என்னை, என் உடலை, என் மனதை மற்றும் என் குடும்பத்தை வேண்டுமானால் நான் துன்புறுத்தி இருக்கிறேன் என ஒப்புக்கொள்வேன். எனக்காக இந்த பழக்கத்தை விட வேண்டும் என்றால் கூட யோசித்து இருப்பேன். ஆனால் என் குடும்பத்தார் என் மீது வைத்திருக்கும் நம்பிக்கையை காப்பாற்ற இந்த பழக்கத்தை அடியோடு கைவிட போகிறேன்” என்று கூறியுள்ளார்.

• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...

• 
  துக்க வீட்டில் செல்பி எடுக்க முயன்ற ரசிகரை திட்டி தள்ளிவிட்ட ராஜமவுலி
• 
  சுரேஷ்கோபி படத்துக்கு ஒரு வழியாக யு/ஏ சான்றிதழ் கொடுத்த சென்சார்
• 
  75 வயதில் பிளஸ் டூ தேர்வு எழுத தயாரான மலையாள நடிகை
• 
  மலையாளத்தில் டைம் ட்ராவல் பின்னணியில் உருவாகும் 'ஆடு 3'
• 
  சுதீப்பின் 47வது படம் அறிவிப்பு : ஜூலையில் துவங்கி டிசம்பரில் ரிலீஸ்