Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

பாடகி கெனிஷா உடன் ஜோடியாக வந்த ரவி மோகன் : தந்தை என்பது பெயர் அல்ல பொறுப்பு என ஆர்த்தி ரவி காட்டம்

09 மே, 2025 - 07:07 IST
எழுத்தின் அளவு:
Ravi-Mohan,-who-paired-up-with-singer-Kenisha-Aarthi-Ravi-says-father-is-not-a-name-but-a-responsibility

நடிகர் ஜெயம் ரவி எனும் ரவி மோகன் தயாரிப்பாளர் சுஜாதாவின் மகளான ஆர்த்தியை காதலித்து திருமணம் செய்தார். இவர்களுக்கு இரு மகன்கள் உள்ள நிலையில் கடந்தாண்டு இருவரும் பிரிவதாக அறிவித்தனர். விவாகரத்து கேட்டு கோர்ட் படியேறி உள்ளனர். இந்த வழக்கு நடந்து வருகிறது. இதனிடையே பாடகி மற்றும் ஹீலருமான கெனிஷா பிரான்சிஸ் என்பவருடம் ரவி மோகன் நெருக்கம் காட்டினார். இருவரும் நண்பர்கள், ஹீலர் மையம் வைக்க போகிறோம் என்றெல்லாம் கூறி வந்தனர்.

இதனிடையே தயாரிப்பாளர் ஐசரி கணேஷின் இல்ல விழாவில் பங்கேற்ற ரவி மோகன் கூடவே கெனிஷாவையும் அழைத்து வந்தார். இருவரும் பட்டு உடையில் தங்க நிறத்தோற்றம் கொண்ட ஒரே மாதிரியான நிறத்தில் உடை அணிந்து வந்தனர். கெனிஷாவை கைபிடித்து அழைத்து வந்தார் ரவி. இந்த வீடியோ வலைதளங்களில் வைரலானது. இருவம் காதலிப்பதாகவும், லிவிங் டுகெதர் வாழ்க்கை வாழ்வதாகவும் பேசப்பட்டது.

இந்நிலையில் இவர்கள் ஜோடியாக வந்து செல்லும் வீடியோ, போட்டோக்களை பார்த்து தனது ஆதங்கத்தை கொட்டி உள்ளார் ஆர்த்தி ரவி. அவர் வெளியிட்ட அறிக்கையில் கூறியிருப்பதாவது...

ஓராண்டாக நான் மவுனத்தை மட்டுமே சுமந்து வந்தேன். இது என் பலவீனம் அல்ல. என் மீதான குற்றச்சாட்டு, மோசமான கிசுகிசுக்களை எதிர்கொண்டேன். இதற்கு என்னிடம் பதில் இல்லாமல் இல்லை. என் குழந்தைகள் தேவையின்றி சர்ச்சைகளை சுமக்க வேண்டாம் என அமைதியாக இருந்துவிட்டேன்.

ஆனால் இன்று வெளியான போட்டோக்கள், வீடியோக்கள் வாயிலாக உலகத்திற்கு தெரிந்துவிட்டது. எனது விவாகரத்து வழக்கு தொடர்கிறது. அன்பு, விஸ்வாசம், நம்பிக்கையுடன் 18 ஆண்டுகளாக நான் அவருக்கு துணையாக இருந்தேன். ஆனால் அவர் விலகிச் சென்றுள்ளார். ஒவ்வொரு நாளும் இரவில் கண்ணீரை சுமந்து சென்றேன். ஒருகாலத்தில் அவரை எனது பெருமை என்று நினைத்தேன். ஆனால் இன்று அவரின் அறிவுறுத்தல் பேரில் வீட்டை விட்டு வெளியேறும் சூழலுக்கு தள்ளப்பட்டுள்ளேன்.

நான் பணத்திற்காக இருந்தேன் என குற்றம் சாட்டப்பட்டேன். ஒருவேளை அது உண்மையாக இருந்திருந்தால் நீண்ட காலத்திற்கு முன்பே என் தனிப்பட்ட நலன்களைப் பாதுகாத்திருப்பேன். ஆனால் நான் அன்பை மட்டுமே எதிர்பார்த்தேன். அதனால் தான் அது என்னை இங்கு கொண்டு வந்து நிறுத்தி உள்ளது.

என் பிள்ளைகளுக்கு 10 மற்றும் 14 வயதாகிறது. அவர்களுக்கு தேவை பாதுகாப்பு, அதிர்ச்சி அல்ல. சட்டப் பிரிவு பிரச்னைகளை எல்லாம் அவர்கள் புரிந்து கொள்ளக் கூடிய வயது அல்ல. நான் சந்திக்க முயற்சித்த போது தவிர்த்தது, அழைப்புகளுக்கு பதிலளிக்காமல் இருந்தது இவை எல்லாம் எனக்கு காயங்களே.

இன்று நான் ஒரு மனைவியாகவோ, அநீதி இழைக்கப்பட்ட பெண்ணாகவே பேசவில்லை. என் குழந்தைகளின் நலனுக்காக மட்டுமே பேசுகிறேன். நான் இப்போது பேசவில்லை என்றால் அவர்களுக்கு தோல்வியாகிவிடும். நீங்கள் தங்க பட்டில் போகலாம். உங்கள் பொது வாழ்க்கையில் உங்கள் ரோல்களை மாற்றலாம். ஆனால் உண்மையை மீண்டும் எழுத முடியாது. தந்தை என்பது வெறும் பெயர் அல்ல, அது ஒரு பொறுப்பு.

சட்டப்பிரச்னை முடியும் வரை இன்ஸ்டாவில் ஆர்த்தி ரவி என்றே இருப்பேன். தயவு செய்து என்னை முன்னாள் மனைவி என அழைப்பதை தவிர்க்கும்படி கேட்டுக் கொள்கிறேன். இது பழிவாங்கவோ அல்லது சண்டையிடவோ அல்ல, பாதுகாக்க. ஒரு தாயின் தவிப்பு இது. நான் அழ மாட்டேன், நிச்சயம் நிமிர்ந்து நிற்பேன். இன்னும் உன்னை அப்பா என்று அழைக்கும் இரண்டு பையன்களுக்காக. அவர்களுக்காக, நான் ஒருபோதும் பின்வாங்க மாட்டேன்.

இவ்வாறு ஆர்த்தி தெரிவித்துள்ளார்.

Advertisement
கருத்துகள் (4) கருத்தைப் பதிவு செய்ய
டிடி நெக்ஸ்ட் லெவல் படத்திற்கு யு/ஏ சான்றிதழ்டிடி நெக்ஸ்ட் லெவல் படத்திற்கு யு/ஏ ... ஜி.வி.பிரகாஷ், கயாடு லோகர் நடிக்கும் இம்மார்டல் ஜி.வி.பிரகாஷ், கயாடு லோகர் நடிக்கும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (4)

S Ramkumar - Tiruvarur,இந்தியா
12 மே, 2025 - 09:05 Report Abuse
S Ramkumar கமல், பிரகாஷ் ராஜ், பிரபு தேவா கூட அவர்கள் மனைவி மேல் எந்த தவறும் இல்லாமல் விவாகரத்த்து செய்தார்கள். அவர்களுக்கு மக்கள் ஆதரவு தரவில்லயா. உண்மைக்கும் மக்கள் ஆதரவுக்கும் வெகுதூரம். இன்று ஆர்த்திக்கு ஆதரவு தருகிறவர்கள் சொந்த வாழ்க்கை வேறு திரைப்படம் வேறு என்று கழுவுவார்கள். ஆகவே ஆர்த்தி நீங்கள் எது உங்களுக்கும் உங்கள் மகன்களுக்கும் சரி என்று படுகிறதோ அதை செய்யுங்கள். மஞ்சு வாரியார் ஜீவனாம்சம் வேண்டாம் என்று சொன்னது போல வேண்டாம் என்று சொல்லாதீர்கள். நீதி மன்றத்தில் போராடுங்கள். உங்கள் காதலையும், உங்கள் குழந்தைகளையும் கொச்சை படுத்துகிறார் ரவி மோகன்.
Rate this:
எம். ஆர் - கோவை,இந்தியா
11 மே, 2025 - 02:05 Report Abuse
எம். ஆர் இவனுக்கு சமீபத்தில் அறிவுரை செய்தது யார் தெரியுமா??
Rate this:
India our pride - Connecticut,யூ.எஸ்.ஏ
10 மே, 2025 - 12:05 Report Abuse
India our pride இவனது சினிமா வாழ்க்கை முடிந்தது. பிரசாந்தை பார்த்து பாடம் கற்கவில்லை. சொந்த வாழ்க்கை சரியாக இல்லாவிட்டால் தமிழ் சினிமாவில் நிலைப்பது கடினம். பெண்கள் இவன் பக்கம் கூட சீந்த மாட்டார்கள்.
Rate this:
10 மே, 2025 - 07:05 Report Abuse
Prasanna Krishnan R இந்த ஒன்றுக்கும் உதவாத நடிகருக்கு ஒரு கடுமையான அடி கொடுக்க வேண்டும். முதலில், உலகிற்கு ஜந்துவாக இருந்ததற்காக, அவருடைய பெற்றோர் கடுமையாக தண்டிக்கப்பட வேண்டும்.
Rate this:

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,சரத்குமார்
    • இயக்குனர் :NV நிர்மல்குமார்
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    Tamil New Film Kallapart
    • கள்ளபார்ட்
    • நடிகர் : அரவிந்த் சாமி
    • நடிகை : ரெஜினா
    • இயக்குனர் :ராஜபாண்டி
    Tamil New Film Party
    • பார்ட்டி
    • நடிகர் : ஜெய் ,சரத்குமார்,சந்திரன் (கயல்)
    • நடிகை : ரெஜினா ,நிவேதா பெத்ராஜ்
    • இயக்குனர் :வெங்கட் பிரபு
    dinamalar-advertisement-tariff

    Tweets @dinamalarcinema

    Advertisement
    Copyright © 2025 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in