Dinamalar

பிரபாஸ் நடிக்கும் 'ஸ்பிரிட்' விரைவில் ஆரம்பம்

'பாகுபலி 2' படத்திற்குப் பிறகு பான் இந்தியா ஸ்டார் ஆக உயர்ந்தவர் தெலுங்கு நடிகர் பிரபாஸ். அதன்பின் அவர் நடிக்கும் படங்கள் அனைத்துமே பான் இந்தியா என்ற அந்தஸ்திலேயே வெளியாகின. அடுத்தடுத்து அவர் நடிக்கும் படங்களும் அப்படியாகவே உருவாகி வருகின்றன.

பிரபாஸ் தற்போது 'தி ராஜா சாப், பாஜி' ஆகிய இரண்டு படங்களில் நடித்து வருகிறார். 'தி ராஜா சாப்' படத்தை மாருதி இயக்கி வருகிறார். மாளவிகா மோகனன், நிதி அகர்வால், சஞ்சய் தத் மற்றும் பலர் நடிக்கிறார்கள். 'பாஜி' படத்தை ஹனு ராகவுப்படி இயக்கி வருகிறார். இப்படத்தில் இமான்வி, ஜெயப்பிரதா, மிதுன் சக்கரவர்த்தி மற்றும் பலர் நடிக்கிறார்கள்.

இவற்றை அடுத்து சந்தீப் ரெட்டி வங்கா இயக்கத்தில் 'ஸ்பிரிட்' படத்தில் நடிக்க உள்ளார் பிரபாஸ். நாயகியாக நடிக்க தீபிகா படுகோனே ஒப்பந்தமாகியுள்ளதாகத் தகவல். இப்படத்தின் படப்பிடிப்பு இன்னும் இரண்டு, மூன்று மாதங்களில் துவங்கும் என படத்தின் தயாரிப்பாளர் பூஷன்குமார் சமீபத்திய பேட்டியில் தெரிவித்துள்ளார்.

இவற்றோடு 'சலார் 2, கல்கி 2898 பாகம் 2' ஆகிய படங்களிலும் பிரபாஸ் நடிக்க வேண்டியுள்ளது. 'சலார் 2'க்கு முன்பாக 'கல்கி 2' படத்தில் அவர் நடிக்கலாம். அடுத்த சில வருடங்களுக்கு பிரபாஸ் ரொம்பபே பிஸி.

• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்

• 
  ரஜினி படத்திலிருந்து விலகியதால் மீண்டும் கார்த்தியுடன் இணையும் ...
• 
  பாலகிருஷ்ணா 111வது படத்தில் ராணி ஆக நயன்தாரா
• 
  மீண்டும் காமெடி ஹீரோவான சதீஷ்
• 
  ஒரே படத்தின் மூலம் தமிழுக்கு வரும் தெலுங்கு, மலையாள ஹீரோயின்கள்
• 
  டேனியல் பாலாஜியின் கடைசி படம்: 28ம் தேதி வெளியாகிறது