Dinamalar

நிறைவுக்கு வரும் 'குட் பேட் அக்லி' ஓட்டம்

அஜித், த்ரிஷா மற்றும் பலர் நடிக்க ஆதிக் ரவிச்சந்திரன் இயக்கிய 'குட் பேட் அக்லி' படம் இந்த மாதம் ஏப்ரல் 10ம் தேதி வெளியானது. நாளை ஏப்ரல் 30ம் தேதியுடன் இந்தப் படத்தின் ஓட்டம் ஏறக்குறைய நிறைவுக்கு வருகிறது. அதன்பின் சில ஊர்களில் சில காட்சிகள் மட்டுமே தொடர்கிறது.

மே 1ம் தேதி 'ரெட்ரோ, டூரிஸ்ட் பேமிலி' உள்ளிட்ட படங்கள் வெளியாவதால் 'குட் பேட் அக்லி' படத்தை பெரும்பாலான தியேட்டர்களில் இருந்து தூக்குகிறார்கள். இருந்தாலும் கடந்த 20 நாட்களாக இந்தப் படம் எதிர்பார்த்ததை விடவும் நன்றாகவே ஓடி வசூலித்துள்ளது.

பத்து நாட்களுக்கு முன்பாக இந்தப் படம் உலக அளவில் 200 கோடிக்கும் அதிகமாக வசூலித்ததாக அதிகாரப்பூர்வமாக அறிவித்தார்கள். அதன்பின் எந்த வசூல் அறிவிப்பும் வெளியாகவில்லை. இருப்பினும் பாக்ஸ் ஆபீஸ் வட்டாரங்களில் 240 கோடி வரை வசூல் வந்திருக்கலாம் என்று தகவல். அஜித் நடித்து இதுவரை வெளிவந்த படங்களில் அதிகமாக வசூலித்த படமாக இந்தப் படம் அமைந்தது.

இருந்தாலும் இன்னும் 500 கோடி வசூல் என்ற அளவில் அஜித் போகாமல் இருப்பது அவரது ரசிகர்களுக்கு ஒரு வருத்தமாகவே உள்ளது.

• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி
• 
  துரந்தர் 2 படத்தின் முதல் விமர்சனத்தை வெளியிட்ட யாமி கவுதம்
• 
  தென்னிந்திய இயக்குனரை தேடும் ஹிருத்திக் ரோஷன்
• 
  'கேரளா ஸ்டோரி 2' படத்திற்கு விதிக்கப்பட்ட தடை நீக்கம்
• 
  மறு உத்தரவு வரும் வரை கேரளா ஸ்டோரி 2 ரிலீஸை நிறுத்திவைத்த கேரள ...

• 
  ரஜினி, கமல் படத்தில் இந்த இளம் நடிகையா?
• 
  'தனுஷ் 56' படப்பிடிப்பு செப்டம்பரில் துவங்குகிறது!
• 
  ஒரே நாளில் வெளியாகும் இரண்டு நீளமான படங்கள்!
• 
  பிப்ரவரி 2026 : வெளியான 22 படங்களில் எத்தனை வெற்றி?
• 
  திரைப்பயணத்தில் 2ம் அத்தியாயம் தொடக்கம்: தனுஷ் பேச்சு