Dinamalar

அஜித்தின் குட் பேட் அக்லி வெளியானது : ரசிகர்கள் கொண்டாட்டம்... எத்தனை தியேட்டர் தெரியுமா...!

விடாமுயற்சி படத்திற்கு பின் இந்தாண்டில் அஜித்தின் இரண்டாவது படமாக இன்று(ஏப்., 10) திரையரங்கில் வெளியாகியுள்ளது குட் பேட் அக்லி. ஆதிக் ரவிச்சந்திரன் எழுதி இயக்கியிருக்கும் இந்த படத்துக்கு ஜிவி பிரகாஷ் குமார் இசை அமைத்துள்ளார். அஜித்துடன் திரிஷா, பிரசன்னா, சுனில், சிம்ரன், அர்ஜுன் தாஸ் மற்றும் பலர் நடித்துள்ளனர்.

கேங்ஸ்டர் தொடர்பான கதையில் படம் உருவாகி உள்ளது. அஜித்தின் முந்தைய ரவுடித்தனம் கலந்த கேங்ஸ்டர் படங்களான தீனா, பில்லா, மங்காத்தா உள்ளிட்ட பல கேரக்டர்களின் சாயல்கள் இந்த படத்தில் உள்ளது சமீபத்தில் வெளியான டிரைலர் மூலம் அறிந்து கொள்ள முடிந்தது.

குட் பேட் அக்லி திரைப்படம் தமிழகத்தில் எத்தனை தியேட்டர்களில் வெளியாகும் என்று எதிர்பார்க்கப்பட்டது. அந்த வகையில் இந்த திரைப்படம் சுமார் 963 தியேட்டர் வரை தமிழகத்தில் வெளியாகியுள்ளது. கிட்டத்தட்ட ஆயிரம் தியேட்டரை நெருங்கி திரையிட்ட படம் என்ற சாதனையை இந்த குட் பேட் அக்லி பெற்றுள்ளது.

விடாமுயற்சி படம் ரசிகர்களை திருப்திப்படுத்தாத நிலையில் அஜித் ரசிகர்களுக்கு ஏற்ற படமாக குட் பேட் அக்லி இருக்கும் என எதிர்பார்க்கப்படுகிறது. தமிழகம் முழுக்க இப்படம் காலை 9 மணிக்கு வெளியானது. முதல் காட்சியை கொண்டாட்டமாக வரவேற்ற ரசிகர்கள் ஆட்டம், பாட்டு என கொண்டாடி தீர்த்தனர்.

• 
  'பார்டர்-2' படத்துடன் வெளியாகும் துரந்தர் -2 படத்தின் டீசர்!
• 
  மீண்டும் ஷாருக்கானுடன் இணையும் அட்லி: 'டான் 3'ஐ இயக்குகிறாரா?
• 
  கார் பயணத்தின் போது 20 வருடங்களாக இந்த இரண்டு விஷயங்களை கவனமாக ...
• 
  துரந்தர் 2 ஒத்தி வைக்கப்படவில்லை : வதந்திக்கு முற்றுப்புள்ளி வைத்த ...
• 
  சாய் பல்லவியின் ‛ஏக் தீன்' ஹிந்தி படம் டீசருடன் ரிலீஸ் தேதி அறிவிப்பு

• 
  சிக்கந்தர் தோல்விக்கு காரணம் முருகதாஸா ? சல்மான் கானா ? ; ராஷ்மிகா பதில்
• 
  வந்தே மாதரம் பாடலை பாட ஏ.ஆர் ரஹ்மான் மறுத்தாரா ? சின்மயி பதில்
• 
  நடிகரை அறைந்தாரா பூஜா ஹெக்டே? தீயாக பரவும் செய்தி
• 
  ஏப்ரல் 30ல் திரைக்கு வரும் தனுஷின் 'கர'?
• 
  ஏ.ஆர்.ரஹ்மானுக்கு ஆதரவாக குரல் கொடுத்த மெஹபூபா முப்தி!