Dinamalar

வெள்ளிக்கிழமை மார்ச் 21ல் வெளியான படங்களின் ரிசல்ட் என்ன?

தியேட்டர்களில் படம் ஓடுகிறதோ... இல்லையோ... ஒவ்வொரு வாரமும் குறைந்தது 5 அல்லது 6 படங்களாவது வெளியாகிக் கொண்டுதான் இருக்கின்றன. இரண்டரை மாதங்களில் 50க்கும் மேற்பட்ட படங்கள் வெளியாகிவிட்டது. இந்த வாரம் மார்ச் 21ல் வெளியான படங்களின் நிலைமை என்ன என்று பார்ப்போம்.

அஸ்திரம் : அரவிந்த் ராஜகோபால் இயக்கத்தில் ஷாம் நடித்து திரைக்கு வந்துள்ள படம் அஸ்திரம். தமிழகம் முழுவதும் சுமார் 200 திரையரங்கில் வெளியானது. இந்த திரைப்படம் சுமாரான வசூலை மட்டுமே பெற்றுள்ளது. விமர்சன ரீதியாக நல்ல வரவேற்பை பெற்றாலும் வசூலில் பெரிதாக ஜொலிக்கவில்லை என்பதே உண்மை.

எனை சுடும் பனி : ராம் சேவா இயக்கத்தில் நட்ராஜ், பாக்யராஜ், சிங்கம் புலி, உபாசனா மற்றும் பலர் நடித்த இந்த திரைப்படம் சுமார் 70 அரங்கம் வரை வெளியானது. பல அரங்கில் பார்க்க ஆளே இல்லாததால் காட்சிகள் ரத்து செய்யப்பட்டது குறிப்பிடத்தக்கது.

ட்ராமா : தம்பிதுரை மாரியப்பன் இயக்கத்தில் விவேக் பிரசன்னா, சாந்தினி மற்றும் பலர் நடித்த இந்த படத்துக்கு சராசரியான படம் என்ற விமர்சனம் கிடைத்துள்ளது. இருந்தாலும் வசூல் ரீதியாக பார்க்கும்போது பெரிதளவில் இல்லை என்பதே உண்மை.

பேய் கொட்டு : லாவண்யா இயக்கத்தில் தீபா ஷங்கர், ஸ்ரீஜா ரவி மற்றும் பலர் நடித்த இந்த படம் பெரிதாக வசூல் ரீதியாகவும் விமர்சன ரீதியாகவும் ரசிகர்களை கவரவில்லை என்பதே உண்மை.

ஆக மொத்தம் இந்தவாரம் வெளியான 4 படங்களில் ஷாமின் அஸ்திரம் மட்டுமே நல்ல படம் என்ற விமர்சனத்தை பெற்றுள்ளது. ஆனால் அதுவும் வசூலை குவிக்குமா என்பது சந்தேகமே...!

• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...

• 
  புஷ்கர் - காயத்ரி அடுத்த படத்தில் சிவகார்த்திகேயன்?
• 
  செல்வராகவன் நடிக்கும் புதிய பட அறிவிப்பு!
• 
  பைசன் படம் குறித்து இயக்குனர் ராம் வெளியிட்ட தகவல்
• 
  ஒர்க் அவுட்டின்போது டிரெண்டிங் பாடலுக்கு நடனமாடிய மிருணாள் தாக்கூர்
• 
  ஓடிடியில் வெளியான கமலின் தக் லைப்