Dinamalar

கால் எலும்பு முறிவு ; எக்ஸ்ரே புகைப்படங்களை பகிர்ந்து கொண்ட ராஷ்மிகா

சமீபத்தில் நடைபெற்ற பாலிவுட் திரைப்படமான 'ச்சாவா' திரைப்பட புரமோஷன் நிகழ்ச்சியில் நடிகை ராஷ்மிகா கலந்து கொண்டது ஹிந்தி திரையுலகில் மிகப்பெரிய அளவில் ஆச்சரியத்தை ஏற்படுத்தியதுடன் அவருக்கு மிகப்பெரிய பாராட்டுக்களையும் கொண்டு வந்து சேர்த்துள்ளது. காரணம் கடந்த இரண்டு வாரங்களுக்கு முன்பு ராஷ்மிகா ஜிம்மில் உடற்பயிற்சி செய்யும் போது காலில் எதிர்பாராத விதமாக அடிபட்டு எலும்பு முறிவு ஏற்பட்டது. இதனால் சிகிச்சை எடுத்துக் கொண்டு வரும் ராஷ்மிகா படப்பிடிப்புகளில் பங்கேற்காமல் வீட்டில் ஓய்வு எடுத்து வருகிறார்.

ஆனாலும் இந்த ச்சாவா திரைப்படத்தில் தான் நடித்துள்ள ஏசுபாய் கதாபாத்திரம் தான் வாழ்நாளில் நடிக்க விரும்பியது போன்ற ஒரு மிகப்பெரிய கனவு கதாபாத்திரம் என்று அவ்வப்போது கூறி வந்தார் ராஷ்மிகா. இந்த நிலையில் ச்சாவா படத்தின் புரமோஷன் நிகழ்ச்சி நடைபெற்றபோது அதில் எப்படியேனும் தானும் கலந்து கொள்ள வேண்டும் என்று விரும்பிய ராஷ்மிகா ஹைதராபாத்தில் இருந்து மும்பைக்கு பயணித்து ச்சாவா பட விழாவில் கலந்து கொண்டார். அந்த விழா மேடையில் கால்களை நொண்டி அடித்தபடியே இன்னொருவரின் கைத்தாங்கல் உதவியுடன் வந்து ராஷ்மிகா பேசியது விழாவிற்கு வந்த அனைவரையுமே நெகிழ வைத்துவிட்டது.

நல்ல நிலையில் இருக்கும் பல நடிகைகளும் தங்களது பட புரமோஷன் நிகழ்ச்சிகளுக்கு வர மறுத்து ஒதுங்கிவிடும் நிலையில் இப்படி ஒரு சூழ்நிலையில் கூட ராஷ்மிகா வந்து கலந்து கொண்டது ரசிகர்களிடமும் அவர் மீதான மதிப்பை இன்னும் சில மடங்கு அதிகரிக்க செய்துவிட்டது. இந்த நிலையில் தன்னுடைய கால் எலும்பு முறிவு குறித்த எக்ஸ்ரே புகைப்படங்களை தனது சோசியல் மீடியா பக்கத்தில் வெளியிட்டுள்ளார் ராஷ்மிகா மந்தனா. மேலும் காளில் மூன்று இடங்களில் எலும்பு முறிவு ஏற்பட்டுள்ளதாகவும் கூறியுள்ள அவர் கடந்த இரண்டு வாரங்களாகவே தனது சொந்தக் காலில் நிற்க முடியாத சூழலில் இருப்பதையும் வருத்தத்துடன் குறிப்பிட்டுள்ளார். மேலும் ரசிகர்கள் அனைவரும் கொஞ்சம் கவனமாகவே இருங்கள் என்றும் ஒரு அன்பான அறிவுரையையும் அவர் கூறியுள்ளார்.

• 
  தனுஷிற்கு ஜோடி கிர்த்தி சனோன் : அதிகாரப்பூர்வ அறிவிப்பு
• 
  சர்ச்சைக்குரிய நடன காட்சி நீக்கம் : அமைச்சரின் எதிர்ப்புக்கு பணிந்த ...
• 
  அசத்தல் கிளாமரில் ஆலியா பட் : வைரலாகும் போட்டோ, வீடியோ
• 
  'தி இந்தியா ஸ்டோரி' படப்பிடிப்பு துவங்கியது : சொல்லப்படாத கதை என்கிறார் ...
• 
  அக்ஷய்குமாரை மீட்டெடுக்கும் 'ஸ்கை போர்ஸ்'

• 
  எனக்கு பாய் பிரண்ட் இருக்காரு... அவர் விஷால் அல்ல - அபிநயா
• 
  'விடாமுயற்சி' படத்தை பார்க்க இந்த மனநிலையுடன் வாங்க: மகிழ் திருமேனி
• 
  'பராசக்தி' படத்தை 'மிஸ்' செய்த சூர்யா
• 
  மீண்டும் நடிக்க வந்துள்ளாரா தமன்?
• 
  கமல்ஹாசன் கட்சியை விட்டு விலகிய வினோதினி