Dinamalar

கூலி படப்பிடிப்பில் உபேந்திராவுக்கு இன்ப அதிர்ச்சி கொடுத்த அமீர்கான்

கன்னட திரையுலகில் இயக்குநர், நடிகர் என வெற்றிகரமான இருமுகம் கொண்டவர் உபேந்திரா. அதிரடி கருத்துக்களை சொல்லும் படங்களை இயக்கி ரசிகர்களிடம் வரவேற்பை பெற்ற இவர் கடந்த 15 வருடங்களுக்கு முன்பு தமிழில் விஷால் நடித்த சத்யம் என்கிற ஒரே ஒரு படத்தில் மட்டும் நடித்திருந்தார். தற்போது லோகேஷ் கனகராஜ் இயக்கத்தில் ரஜினிகாந்த் நடிக்கும் கூலி திரைப்படத்தில் முக்கிய கதாபாத்திரத்தில் நடித்து வருகிறார். இந்த படத்தில் பாலிவுட் நடிகர் அமீர்கானும் முக்கிய கதாபாத்திரத்தில் நடிக்கிறார். தற்போது இதன் படப்பிடிப்பு பங்கு பெற ஜெய்ப்பூரில் நடைபெற்று வருகிறது.

அதே சமயம் உபேந்திரா, தானே இயக்கி நடித்துள்ள யூஐ (UI) என்கிற திரைப்படமும் வரும் டிசம்பர் 20ம் தேதி வெளியாக இருக்கிறது. இந்த படத்தின் டீசரை பார்த்த அமீர்கான் ஆச்சர்யப்பட்டு போய், கூலி படப்பிடிப்பில் உபேந்திராவை தன்னுடைய கேரவனுக்கு வரச் சொல்லி அழைத்து இந்த டீசர் பற்றி புகழ்ந்து தானே ஒரு வீடியோ எடுத்து அதை உபேந்திராவுக்கு கொடுத்து இதை பயன்படுத்திக் கொள்ளுங்கள் என்று கூறியுள்ளார். அது மட்டுமல்ல மறுநாள் போன் செய்து அந்த வீடியோவை உங்களது இன்ஸ்டாகிராமில் அப்லோடு செய்து விட்டீர்களா என்றும் பாலோ செய்துள்ளார்.

“ஒரு மிகப்பெரிய நடிகர், என்னைப் போன்ற ஒரு ஜூனியர் ஆர்டிஸ்ட் நடிகருக்கு இவ்வளவு முக்கியத்துவம் கொடுத்து தனது அன்பை வெளிப்படுத்தி, நான் கேட்காமலேயே என் படத்தை புரமோட் செய்ய நினைக்கிறார். இவர்களைப் போன்ற ஜாம்பவான்களிடம் இருந்து மனித நேயம், உற்சாகம் என கற்றுக்கொள்ள பல விஷயங்கள் இருக்கின்றன” என்று நெகிழ்வுடன் கூறியுள்ளார் உபேந்திரா.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  பழம்பெரும் நடிகையான ‛கன்னடத்து பைங்கிளி' சரோஜாதேவி காலமானார்
• 
  அல்லு அர்ஜுன் - அட்லி படத்தில் நெகட்டிவ் ரோலில் ராஷ்மிகா மந்தனா?
• 
  மீண்டும் காப்பி சர்ச்சையில் சிக்கிய அனிருத்!
• 
  வேள்பாரி நாவல்: ஷங்கருக்கு எதிராக வெளியான ட்ரோல்கள்!
• 
  விஜய் சேதுபதி படத்தில் வில்லி வேடத்தில் தபு!