Dinamalar

போட்டி இல்லாமல் வரும் 'விடுதலை 2'

வெற்றிமாறன் இயக்கத்தில், இளையராஜா இசையமைப்பில், விஜய் சேதுபதி, மஞ்சு வாரியர், சூரி மற்றும் பலர் நடிப்பில் உருவாகியுள்ள படம் 'விடுதலை 2'. இப்படம் இந்த வாரம் டிசம்பர் 20ம் தேதி வெளியாக உள்ளது. இதற்கு முன்னதாக அதே நாளில் மேலும் சில படங்கள் வெளியாகும் என்று அறிவிப்பு வெளியிடப்பட்டிருந்தது. ஆனால், அப்படங்களைத் தற்போது தள்ளி வைத்துவிட்டனர். அதனால், எந்தவிதமான போட்டியும் இல்லாமல் அப்படம் அன்று வெளியாக உள்ளது.

இந்த வருடம் முடிய அடுத்த வாரம் மட்டுமே உள்ளதால், அடுத்த வாரம் டிசம்பர் 27ல் நிறைய படங்களை எதிர்பார்க்கலாம். இப்போதைக்கு 'அலங்கு, கஜானா, ராஜாகிளி, த ஸ்மைல் மேன், திரு மாணிக்கம்,' ஆகிய படங்கள் வெளியாகும் என்று அறிவிக்கப்பட்டுள்ளது. அடுத்த வாரம் வெளியாக உள்ள படங்களும் சிறிய பட்ஜெட் படங்கள் என்பதால் 'விடுதலை 2'க்கு பெரிய போட்டி அடுத்த வாரமும் இல்லை. படம் நன்றாக இருந்தால் அடுத்த வாரம் வரையிலும் தாக்குப் பிடித்து ஓட வாய்ப்புள்ளது.

கடந்த வருடம் வெளிவந்த 'விடுதலை' படத்தின் முதல் பாகம் 50 கோடி வரை வசூலித்ததாகத் தகவல். விஜய் சேதுபதி நடித்து இந்த வருடம் வெளிவந்த 'மகாராஜா' படம் 100 கோடிக்கும் அதிகமாக வசூலித்து வெற்றி பெற்றது. அந்த அளவுக்கு இந்தப் படமும் வசூலிக்குமா என்பதைப் பொறுத்திருந்துதான் பார்க்க வேண்டும்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  ராகினி எம்எம்எஸ் 3 திரில்லர் படத்தில் இணைந்த தமன்னா
• 
  கிரிக்கெட் வீரர் பயோபிக்கில் மீண்டும் இணையும் 'லகான்' கூட்டணி
• 
  மலையாளத்தில் அறிமுகமாகும் இர்பான் கான் மகன்
• 
  துரந்தர் 3 பற்றி தயாரிப்பாளர் வெளியிட்ட சூசக தகவல்
• 
  முதல் வாரத்தில் 60 கோடி வசூலித்த 'ராஜா சிவாஜி'

• 
  தமிழைப் போலவே தெலுங்கிலும் அதிக தியேட்டர்களில் வெளியாகிறது கருப்பு
• 
  பெத்தி பட விழாவில் ஏ.ஆர்.ரஹ்மான் இசை நிகழ்ச்சி
• 
  அதிக பட்ஜெட், அதிக சம்பளம் : மாரி செல்வராஜ் படத்துக்கு சிக்கலா?
• 
  ரஜினிகாந்த், கமல்ஹாசன் இணையும் படம் இந்த சூழ்நிலையில் நடக்குமா?
• 
  திருப்பதி கோயிலில் சமுத்திரக்கனி வழிபாடு : விஜய்க்கு வாழ்த்து