Dinamalar

விஜய் சாதனையை முறியடித்த அல்லு அர்ஜுன்

தமிழ் சினிமாவில் டீசர், டிரைலர், பாடல்கள் என எது யு டியுப் தளத்தில் வெளியானாலும் அதில் விஜய் நடிக்கும் படங்கள் சம்பந்தப்பட்டவைதான் அதிகமான பார்வைகளைப் பெற்று சாதனை படைக்கும். சமயங்களில் ரஜினிகாந்த்தை விடவும் ஒரு படி உயர்ந்த நடிகர் விஜய் என அவருடைய ரசிகர்கள் சொல்வார்கள்.

ஆனாலும், விஜய்யால் இன்னும் தமிழகம், கேரளா, பெங்களூரு கடந்து அவருடைய சினிமா வியாபார எல்லையை பான் இந்தியா அளவில் விரிவாக்க முடியாமலேயே போய்விட்டது. இன்னும் அவர் நடித்து ஒரே ஒரு படம் மட்டுமே வெளியாக உள்ள நிலையில், அப்படியான சாதனையைப் படைக்க முடியாமல் அவருடைய திரையுலகப் பயணம் நிறைவுக்கு வர உள்ளது. அந்த கடைசி படத்தில் அந்த சாதனைகளைப் படைக்க முடியுமா ?.

விஜய்யை விடவும் தெலுங்கு நடிகர்கள் ஏன் கன்னட நடிகர் யஷ் கூட டீசர், டிரைலர்களில் பெரிய சாதனையைப் படைத்துள்ளனர். இரு தினங்களுக்கு முன்பு வெளியான 'புஷ்பா 2' டிரைலர் 24 மணி நேரத்தில் அதிக பார்வைகளைப் பெற்ற டிரைலராக புதிய சாதனையைப் படைத்துள்ளது. இது தென்னிந்திய மொழிப் படங்களுக்கான சாதனை.

இதற்கு முன்பு மகேஷ் பாபு நடிப்பில் வெளிவந்த 'குண்டூர் காரம்' படத்தின் டிரைலர் 24 மணி நேரத்தில் 37 மில்லியன் பார்வைகைளைப் பெற்று முதலிடத்தில் இருந்தது. 'புஷ்பா 2' டிரைலர் 24 மணி நேரத்தில் 44 மில்லியன் பார்வைகளைப் பெற்று தற்போது முதலிடத்திற்கு வந்துள்ளது.

பிரபாஸ் நடித்து வந்த 'சலார்' டிரைலர் 32 மில்லியன் பார்வைகளுடன் மூன்றாம் இடத்திலும், விஜய் நடித்து வந்த 'லியோ' 31 மில்லியன் பார்வைகளுடன் 4ம் இடத்திலும், 'தி கோட்' டிரைலர் 29 மில்லியன் பார்வைகளுடன் 5ம் இடத்திலும், 'பீஸ்ட்' டிரைலர் 29 மில்லியன் பார்வைகளுடன் 6ம் இடத்திலும் உள்ளன.

'புஷ்பா 2' டிரைலர் சாதனையை விஜய்யின் கடைசி படமான 69வது பட டிரைலர் முறியடிக்குமா என்பதற்கு நாம் இன்னும் சில மாதங்கள் காத்திருக்க வேண்டும். இருந்தாலும் 24 மணி நேர பார்வைகளின் டாப் 10 படங்களில் விஜய்யின் 4 படங்கள் இடம் பெற்றுள்ளது குறிப்பிட வேண்டிய ஒன்று. பிரபாஸ், மகேஷ் பாபு தலா 2, அஜித்திற்கு 'துணிவு' படம், அல்லு அர்ஜுனுக்கு ஒரு படம் என டாப் 10 படங்கள் உள்ளன.

• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்
• 
  பாலிவுட் என்று அழைக்காதீர்கள் : ஜெயா பச்சன் காட்டம்

• 
  பேயுடன் பர்ஸ்ட் நைட் கொண்டாடிய ஹீரோ: 'மெஸன்ஜர்' படத்தில் புதுமை
• 
  தெலுங்கில் தோல்வி அடைந்த பைசன்: தமிழில் விருதுகளை அள்ளுமா?
• 
  கடந்த 10 ஆண்டில் சினிமா தயாரிப்பாளர்கள் நிலை: இயக்குனர் ஆர்.கே.செல்வமணி ...
• 
  பணம் சம்பாதிக்க எத்தனையோ தொழில் இருக்குது.. அதுக்கு, ஆபாச படம் எடுக்கலாம்: ...
• 
  திலீப் படத்தின் ரிலீஸ் தேதி அறிவிப்பு