25வது நாளில் வேட்டையன், இன்றும் ஹவுஸ்புல்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

25வது நாளில் 'வேட்டையன்', இன்றும் 'ஹவுஸ்புல்'

03 நவ, 2024 - 12:49 IST

எழுத்தின் அளவு:

தசெ ஞானவேல் இயக்கத்தில், அனிருத் இசையமைப்பில், ரஜினிகாந்த், அமிதாப்பச்சன், பகத் பாசில் மற்றும் பலர் நடிப்பில் கடந்த மாதம் அக்டோபர் 10ம் தேதி வெளியான படம் 'வேட்டையன்'. என்கவுண்டர் பற்றிய படமாக அமைந்த இந்தப் படத்திற்கான விமர்சனங்கள் நன்றாக வந்தாலும், ரஜினியின் முழுமையான படமாக இல்லாமல் இருந்தது என்ற கருத்துக்களும் பரவியது.

ரஜினியின் வழக்கமான கமர்ஷியல் படங்களைக் காட்டிலும் இந்தப் படத்திற்கான வசூல் குறைவாகவே இருந்தது. கடந்த வருடம் அவர் நடிப்பில் வெளியான 'ஜெயிலர்' படம் 600 கோடியை வசூலித்தது. இந்தப் படத்தின் வசூலை நான்கு நாட்களுக்குப் பிறகு 240 கோடி வசூல் என அதிகாரப்பூர்வமாக அறிவித்தார்கள். அதன்பின் கடந்த இருபது நாட்களாக படத்தின் வசூல் என்னவென்பதை அறிவிக்கவில்லை.

இந்நிலையில் தற்போது படம் 25 நாட்களைக் கடந்துள்ளது. இந்த தீபாவளி விடுமுறையிலும் பல தியேட்டர்களில் ஹவுஸ்புல் காட்சிகளாக ஓடியுள்ளது. இன்றைய நாளில் கூட பல தியேட்டர்களில் ஹவுஸ்புல் தான் என்று தியேட்டர் வட்டாரங்களில் சொல்கிறார்கள்.

இப்படம் நவம்பர் 8ம் தேதி ஓடிடி தளத்தில் தமிழ், தெலுங்கு, ஹிந்தி, கன்னடம், மலையாளம் ஆகிய மொழிகளில் அமேசான் பிரைம் தளத்தில் வெளியாக உள்ளது. தியேட்டர்களை விடவும் ஓடிடி தளங்களில் அமோக வரவேற்பைப் பெறும் என்று எதிர்பார்க்கப்படுகிறது.

Vettaiyan

VettaiyanTheHunter

வேட்டையன்

VettaiyanRunningSuccessfully

கருத்துகள் (0) கருத்தைப் பதிவு செய்ய

விமர்சகர் மீது சட்ட ரீதியான ...

அமரன் - மூன்று நாட்களில் 100 கோடி வசூல்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய