Dinamalar

தீபாவளிக்குத் தியேட்டர்களுக்குப் போவார்களா ரசிகர்கள் ?

தீபாவளிக்கு இன்னும் இரண்டே நாட்களே உள்ளன. தீபாவளி என்றாலே புதிய ஆடைகள், பட்டாசுகள், இனிப்புகள், இதர பலகாரங்கள் என கொண்டாட்டமாக இருக்கும். அவற்றோடு புதிய படங்களைப் பார்ப்பதும் கொண்டாட்டம்தான். ஆனால், இந்த வருட தீபாவளிக்கு ரஜினி, கமல், விஜய், அஜித் ஆகியோரது படங்கள் வெளியாகவில்லை. சிவகார்த்திகேயன், ஜெயம் ரவி, கவின் ஆகியோரது படங்கள்தான் வருகிறது.

ரஜினி, கமல், விஜய், அஜித் ஆகியோரது படங்கள் வந்தால்தான் தீபாவளி களை கட்டும் என நினைக்கும் அவர்களது ரசிகர்கள் இந்த வருடம் ஏமாந்து போய் உள்ளார்கள். ரஜினி நடித்த 'வேட்டையன்' படம் இரண்டு வாரங்களுக்கு முன்பே வெளிவந்துவிட்டது. கமல் நடித்து வரும் 'தக் லைப்' படம் அடுத்த வருடம்தான் வெளியாகப் போகிறது.

விஜய் நடித்த 'தி கோட்' படம் கடந்த மாதம்தான் வெளியானது. அஜித் நடித்து வரும் 'விடாமுயற்சி மற்றும் குட் பேட் அக்லி' படம் எப்போது வரும் என்பது குறித்த அப்டேட் எதுவும் இல்லை. அடுத்த வருடப் பொங்கலுக்கு இந்த இரண்டில் எது வரும் என்பதன் குழப்பம் நீடித்து வருகிறது. சூர்யாவுக்கு அடுத்த மாதம் 'கங்குவா' படம் வெளியாக உள்ளது. ஆனாலும், அதன் புரமோஷனை கடந்த ஒரு வார காலத்திற்கும் மேலாகவே ஆரம்பித்துவிட்டார்கள். சில தீபாவளி வெளியீட்டுப் படங்களுக்குக் கூட அவ்வளவு புரமோஷன் இல்லை.

சிவகார்த்திகேயனின் 'அமரன்' படம் மேஜர் முகுந்த் வரதராஜனின் வாழ்க்கை வரலாற்றுப் படம். அதன் முடிவு எப்படி இருக்கும் என்பது ரசிகர்களுக்குத் தெரிந்த ஒன்றுதான். கொண்டாட்ட மனநிலையுடன் படத்தைப் பார்க்காமல் தேசப்பற்று மனநிலையுடன்தான் படத்தைப் பார்க்க வேண்டும், பார்க்க முடியும். 'ப்ளடி பெக்கர்' படத்தில் பிச்சைக்காரனாக எவ்வளவு நேரம் நடித்திருப்பார், எப்படி ரசிக்க வைப்பார் என்ற கேள்வி ரசிகர்களுக்கு இருக்கிறது. 'பிரதர்' படம் காமெடியாக இருக்கும் என்ற எதிர்பார்ப்பு உள்ளது.

தீபாவளி கொண்டாட்ட மனநிலையில் ரசிகர்கள் எந்தப் படத்தை விரும்பிப் பார்ப்பார்கள் என்ற சந்தேகம் இருந்தாலும் இப்போதைக்கு 'அமரன்' படம் முன்னணியில் உள்ளது. தீபாவளியை, ராணுவ அதிகாரியின் தியாகத்துடன் தேசப்பற்றாகக் கொண்டாடவே ரசிகர்களும் தயாராகி உள்ளார்கள் என்பது தெரிகிறது. மற்ற இரண்டு படங்கள் என்டர்டெயின்மென்ட்டாக இருந்தாலும் 'அமரன்' இன்போடெயின்மென்ட்டாகவும் இருக்கப் போகிறது.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?