Dinamalar

'சிவா' படத்தின் 35 ஆண்டுகள் : அப்பாவை நினைவு கூர்ந்த நாகார்ஜூனா

ராம்கோபால் வர்மா இயக்கத்தில், இளையராஜா இசையமைப்பில், நாகார்ஜூனா, அமலா மற்றும் பலர் நடிப்பில் 1989ம் ஆண்டு அக்டோபர் 5ம் தேதி வெளியான தெலுங்குப் படம் 'சிவா'. அந்தக் காலத்தில் இப்படம் பெரும் வெற்றியைப் பெற்ற ஒரு படம். காதல், ரவுடியிசம் என ஒரு புதிய பாணியிலான படத்தைக் கொடுத்தார் இயக்குனர் வர்மா.

அப்போதைய ஒன்று பட்ட ஆந்திராவில் 22 சென்டர்களில் 100 நாட்களும், 5 சென்டர்களில் 175 நாட்களும் ஓடியது. சில தியேட்டர்களில் ஒரு வருடம் ஓடியது.

தமிழில் 'உதயம்' என்ற பெயரில் டப்பிங் செய்யப்பட்டு 1990 பொங்கலுக்கு வெளியானது. அப்போது வெளியான ரஜினியின் 'பணக்காரன்', விஜயகாந்தின் 'புலன் விசாரணை' ஆகிய படங்களுடன் இப்படமும் போட்டி போட்டு ஓடி 175 நாட்கள் வரை ஓடி சாதனை புரிந்தது.

தெலுங்கில் வெளியாகி 35 வருடங்கள் நிறைவடைந்ததை அடுத்து படத்தின் நாயகன் நாகார்ஜுனா, “சாதனைப் படமான 'சிவா' வெளியாகி 35 வருடங்களாகிவிட்டது. அன்றைய தினம் எனது அப்பாவுடன் காரை ஓட்டிக் கொண்டு சென்றிருந்தேன். அப்போது அவர், “நேற்றிரவு சிவா படம் பார்த்தேன், இன்று காலை படம் பெரிய ஹிட் எனக் கேள்விப்பட்டேன். ஆனால், இப்படம் தெலுங்குத் திரையுலகத்தின் மிகப் பெரிய வெற்றிகளில் ஒன்றாக மாறும் என நான் நம்புகிறேன்,” என்றார்.

அப்பா, உங்கள் வார்த்தைகள் எவ்வளவு நம்ப முடியாத உண்மை. இத்தனை வருடங்களுக்குப் பிறகும் சிவா மீதான அன்புக்கு நன்றி. குறிப்பாக இதை சாத்தியப்படுத்திய அனைத்து மக்களுக்கும் நன்றி, குறிப்பாக இயக்குனர் ராம்கோபால் வர்மா,'' எனக் குறிப்பிட்டுள்ளார்.

அதற்கு ராம்கோபால் வர்மா, “எனது வாழ்நாளில் ஒரு திருப்பத்தை ஏற்படுத்தியதற்கு நன்றி. உங்களின் அசைக்க முடியாத ஆதரவு மற்றும் என் மீது முழுமையான நம்பிக்கை இல்லாமல், 'சிவா' இல்லை, நானும் இருந்திருக்க முடியாது,” என பதிலளித்துள்ளார்.

• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...
• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்

• 
  பிளாஷ்பேக்: மறைந்த எம் ஜி ஆர், மறுபடியும் திரையில் மின்னிய “அவசர போலீஸ் 100”
• 
  முதல் இரண்டு பாகங்களைப் போல திரிஷ்யம்-3 இருக்காது ; ஜீத்து ஜோசப் உறுதி
• 
  ஒரு மாதம் முழுவதும் விடியற்காலையில் மணிரத்னத்தை பின்தொடர்ந்தேன் ; ...
• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்