Dinamalar

அநியாயம் நடக்கும்போது போலீஸ் அதிகாரத்தை கையில் எடுப்பது தப்பில்ல - ரஜினியின் ‛வேட்டையன்' டிரைலர் வெளியீடு

ஞானவேல் இயக்கத்தில் ரஜினி நடித்துள்ள படம் வேட்டையன். அவருடன் அமிதாப் பச்சன், ராணா, பஹத் பாசில், மஞ்சு வாரியர், துஷாரா விஜயன், ரித்திகா சிங் உள்ளிட்ட பலர் நடித்துள்ளனர். அனிருத் இசையமைத்துள்ளார். லைகா நிறுவனம் தயாரித்துள்ளது. அடுத்தவாரம் அக்., 10ம் தேதி படம் வெளியாகிறது. ஏற்கனவே படத்தின் இருபாடல்கள் மற்றும் முன்னோட்டம் வெளியாகி வரவேற்பை பெற்றது.

இன்று(அக்., 2) காந்தி ஜெயந்தியை முன்னிட்டு படத்தின் டிரைலரை சில நிமிட தாமத்திற்கு பின் வெளியிட்டனர். பெண்களுக்கு பாதுகாப்பு இல்லை என பல்வேறு ஊர்களில் நடக்கும் போராட்டங்களுடன் டிரைலர் துவங்கிறது. அதில் குற்றவாளிகளை என்கவுன்டர் செய்யனும் என்ற குரல் ஒலிக்கிறது. இந்த விவகாரத்தால் போலீஸிற்கு பெரும் பிரச்னை வர அதற்கு காரணமானவரை என்கவுன்டர் செய்யும் பொறுப்பு ரஜினிக்கு வருகிறது. இதன் பின்னணியில் நடக்கும் விஷயங்களாக இந்த டிரைலர் விவரிக்கிறது. 2.39 நிமிடம் ஓடக்கூடிய டிரைலர் ரஜினி அமைதியாக, அதேசமயம் ஹீரோயிசம் கலந்த விவேகமான போலீசாக நடித்துள்ளார். அமிதாப், ராணா, பஹத் பாசில் உள்ளிட்ட படத்தில் நடித்துள்ள மற்றவர்களும் டிரைலரில் ஆங்காங்கே வந்து போகின்றனர்.

‛‛தேவையில்லை, ஒருவாரம் ரொம்ப அதிகம் மூணே நாளில் டிபார்ட்மென்ட்டிற்கு நல்ல பெயர் வரும். குற்றங்கள் தொற்று நோய் மாதிரி அதை வளர விடக்கூடாது. அநியாயம் நடக்கும்போது போலீஸ் அமைதியாக இருப்பதை விட அதிகாரத்தை கையில் எடுப்பது தப்பில்ல. நீங்க என்னை எந்த போஸ்டுக்கு தூக்கி அடிச்சாலும் நான் அதே போலீஸ்காரன் தான். என்கிட்ட இருந்து அவனை யாராலும் காப்பாத்த முடியாது'' போன்ற ரஜினி பேசும் பஞ்ச் வசனங்கள் மற்றும் அவரின் அலட்டல் இல்லாத ஆக்ஷன் காட்சிகள் கவனம் ஈர்த்துள்ளன.

வேட்டையன் படம் உலகம் முழுக்க அக்., 10ல் வெளியாகிறது. வேட்டையன் வசூல் வேட்டையை தருவாரா என்பது அடுத்தவாரம் தெரிந்துவிடும்.

• 
  காதலருடன் ஹூமா குரேஷிக்கு நிச்சயதார்த்தம் நடந்ததா?
• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி
• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்

• 
  ரோபோ சங்கர் நினைவாக குபேரர் கோவிலுக்கு ரோபோ யானையை பரிசளித்த நடிகர் ...
• 
  தீபாவளிக்கு 'கருப்பு' படத்தின் பர்ஸ்ட் சிங்கிள் வெளியாகிறது!
• 
  ஹாட்ரிக் அடிக்கிறாரா பிரதீப் ரங்கநாதன்
• 
  ராஜமவுலி தயாரிப்பில் பஹத் பாசில் புதிய பட படப்பிடிப்பு துவங்கியது!
• 
  'காந்தாரா சாப்டர் 1' ஹிட்: ஆன்மிக பயணம் செல்லும் ரிஷப் ஷெட்டி