கூலி படப்பிடிப்பு தளத்தில் மனசிலாயோ பாடலுக்கு நடனமாடிய ரஜினி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

17 செப், 2024 - 05:59 IST

எழுத்தின் அளவு:

Rajini-danced-to-the-song-Manashilayo-on-the-sets-of-Coolie

ரஜினிகாந்த் நடிப்பில் வரும் அக்டோபர் 10ம் தேதி வெளியாக இருக்கும் படம் 'வேட்டையன்'. த.செ.ஞானவேல் இயக்கத்தில் உருவாகியுள்ள இந்த படத்தில் ராணா, பஹத் பாசில் உள்ளிட்ட பல முன்னணி நட்சத்திரங்கள் நடித்துள்ளனர். கதாநாயகியாக மஞ்சு வாரியர் நடித்துள்ளார். ரஜினிக்கு தொடர்ந்து ஹிட் பாடல்களை கொடுத்து வரும் அனிருத் இந்த படத்திற்கு இசையமைத்துள்ளார். சமீபத்தில் இந்த படத்தில் இருந்து மனசிலாயோ என்கிற லிரிக் வீடியோ பாடல் வெளியானது.

இதற்கு முன்னதாக ஜெயிலர் படத்தில் தமன்னா ஆடுவதாக தெலுங்கு வரிகளில் வெளியான காவலா பாடல் மிகப்பெரிய அளவில் ஹிட்டானது. அதேபோல இந்த படத்தில் மலையாள வரிகளில் உருவான 'மனசிலாயோ' பாடலும் அதில் ரஜினியுடன் சேர்ந்து ஆடும் மஞ்சுவாரியரின் நடனமும் ரசிகர்களை வசிகரித்துள்ளது.

தற்போது ரஜினிகாந்த் லோகேஷ் கனகராஜ் இயக்கத்தில் கூலி படத்தில் நடித்து வருகிறார். இதன் படப்பிடிப்பு சமீப நாட்களாக நடைபெற்று வரும் நிலையில் படப்பிடிப்பு தளத்தில் ரஜினிகாந்த் 'மனசிலாயோ' படத்தின் பாடலுக்கு நடனம் ஆடும் வீடியோ ஒன்று வெளியாகி வைரலாகி வருகிறது.

லோகேஷ் கனகராஜின் வேண்டுகோளுக்கிணங்க மனசிலாயோ பாடலுக்கு நடன வடிவமைத்த தினேஷ் மாஸ்டர் மீண்டும் நடன அசைவுகளை சொல்லிக்கொடுக்க அதன்படியே வேட்டி சட்டை அணிந்த ரஜினிகாந்த் நடனமாடும் காட்சி அவரது ரசிகர்களுக்கு ஓணம் விருந்தாக அமைந்துள்ளது.

Manasilaayo

Rajinikanth

Vettaiyan

Coolie

கருத்துகள் (0) கருத்தைப் பதிவு செய்ய

ஓணம் கொண்டாட்டத்தில் மகனை ...

மும்பையில் ரூ.30 கோடி மதிப்பில் வீடு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய