Dinamalar

சூர்யா 44 பிறந்தநாள் வீடியோ - 'புகையை' விட மறுக்கும் தமிழ் சினிமா ஹீரோக்கள்

சிகரெட் பிடிப்பது, மது அருந்துவது குறித்து இந்திய சினிமாக்களில் எச்சரிக்கை வாசகங்கள் வைப்பது கடந்த சில வருடங்களாக உள்ளது. ஹீரோக்கள் புகை பிடிக்கும் காட்சிகள், மது அருந்தும் காட்சிகளில் நடிப்பதைத் தவிர்க்க வேண்டும் என்று சமூக அக்கறை உள்ள பலர் சினிமாத் துறையினடரிடம் வேண்டுகோள் வைத்துள்ளார்கள்.

ஆனால், அவற்றை தமிழ் சினிமா ஹீரோக்களும், இயக்குனர்களும் கேட்பதாக இல்லை. சில படங்களில் புகை பிடிப்பதைத் தவிர்த்திருந்த நடிகர் ரஜினிகாந்த் கூட 'ஜெயிலர்' படத்தில் சுருட்டு பிடிக்கும் காட்சியில் நடித்திருந்தார்.

நடிகர் விஜய் நடித்து வெளிவந்த 'லியோ' படத்தின் முதல் சிங்கிளான 'நான் ரெடிதான் வரவா' வீடியோவில் விஜய் புகை பிடித்த காட்சிகள், மது அருந்துவது பற்றிய பாடல் வரிகள் அப்போது கடும் சர்ச்சையை ஏற்படுத்தின. அதன்பிறகு அவற்றில் எச்சரிக்கை வாசகங்களை மட்டும் சேர்த்தார்கள். ஆனால், பாடல் படத்தில் அப்படியேதான் இருந்தது, அதை நீக்கவில்லை.

நிஜ வாழ்க்கையில் ஊருக்கு உபதேசம் செய்யும் ஹீரோக்கள் அவர்களது சினிமாக்களில் அப்படி எதையும் செய்வதில்லை. இன்று சூர்யாவின் பிறந்தநாளை முன்னிட்டு கார்த்திக் சுப்பராஜ் இயக்கத்தில் சூர்யாவின் 44வது படக்குழு ஒரு வீடியோ ஒன்றை நள்ளிரவில் வெளியிட்டுள்ளது. அதில் புகை பிடித்தபடி நடித்துள்ளார் சூர்யா. சினிமாவாக இருந்தாலும் ஒரு பிறந்தநாளன்று வெளியிடக் கூடிய சமூக அக்கறை வீடியோவா இது ? என்ற கேள்வி ரசிகர்களிடம் எழுந்துள்ளது.

• 
  தீபிகா படுகோனேவின் 'பிரக்னன்சி' போட்டோஷுட்
• 
  மும்பையில் நடந்த சினி ட்ரீம்ஸ் சர்வதேச திரைப்பட விழா
• 
  கங்கனாவின் மகனாக நடித்த மலையாள நடிகருக்கு கொலை மிரட்டல்
• 
  கங்கனா படத்திற்கு தடை கேட்டு வழக்கு
• 
  வங்காள சினிமாவிலும் பாலியல் தொல்லை: நடிகை பரபரப்பு குற்றச்சாட்டு

• 
  விடுதலை-2 ; தியேட்டரில் பாதி.. ஓடிடியில் மீதி?
• 
  மிஸ்டர் டிடக்ட்டிவ் ஆக மம்மூட்டி?
• 
  சத்தமில்லாமல் நடக்கும் ராஜூ முருகன் - சசிகுமார் படப்பிடிப்பு
• 
  அமரன் படத்தின் டப்பிங் பணிகளைத் தொடங்கிய சிவகார்த்திகேயன்!
• 
  'தி கோட்' படத்திற்கு எதிராக இத்தனை சினிமா அரசியலா?