Dinamalar

4 வருடம் காத்திருந்து தன்மீதே நம்பிக்கை வந்ததும் நடிக்க சம்மதித்த பார்வதி

நடிகை பார்வதியை பொருத்தவரை வழக்கமான சினிமா பார்முலாப்படி நடித்திருந்தால் மிகப்பெரிய அளவில் கமர்ஷியல் நடிகையாக மாறி இருப்பார். ஆனால் செலெக்ட்டிவான கதைகளையும், தாக்கத்தை ஏற்படுத்தக் கூடிய கதாபாத்திரங்களையும் மட்டுமே தேர்வு செய்து நடித்து வருகிறார். அதற்கு சமீபத்திய உதாரணம் தான் கடந்த வெள்ளி அன்று மலையாளத்தில் வெளியான உள்ளொழுக்கு திரைப்படம்.

இந்த படத்தில் அவர் பெரிய அளவில் பிரபலம் இல்லாத இரண்டு நடிகர்களுக்கு ஜோடியாக ஒப்புக்கொண்டு நடித்துள்ளார். அது மட்டுமல்ல இந்த படத்தில் திருமண உறவை மீறி செயல்படும் ஒரு பெண் கதாபாத்திரத்திலும் நடித்துள்ளார் பார்வதி. கொஞ்சம் நெகட்டிவ் சாயல் கொண்ட இந்த கதாபாத்திரத்தில் நடிக்க இவர் எப்படி ஒப்புக் கொண்டார் என பலரும் ஆச்சரியப்பட்டனர். இந்த நிலையில் ஒரு ரியாலிட்டி ஷோ ஒன்றில் இந்த படத்தின் புரமோஷன் நிகழ்ச்சிக்காக கலந்து கொண்ட பார்வதி இந்த படத்தில் தான் நடித்தது குறித்து ஒரு ஆச்சரியமான தகவலை கூறியுள்ளார்.

இது குறித்து அவர் கூறும்போது, “இந்த கதை என்னிடம் வந்த போது இந்த கதாபாத்திரத்தில் என்னால் நடிக்க முடியுமா, அதற்கு நியாயம் செய்ய முடியுமா என்கிற சந்தேகமும், தயக்கமும் என்னிடம் இருந்தது. அதனால் நான் ஆரம்பத்தில் நடிக்க மறுத்து விட்டேன். கிட்டத்தட்ட நான்கு வருடங்கள் கழித்து இதே கதை மீண்டும் என்னிடமே வந்தது. அப்போது இந்த கதாபாத்திரத்தில் நடிக்கும் அளவிற்கு எனக்கு பக்குவமும் புரிதலும் ஏற்பட்டிருந்ததால், நம்பிக்கையுடன் சரி என சம்மதம் சொல்லிவிட்டேன். முதல் ஒரு வாரம் இந்த படப்பிடிப்பில் நடித்தபோது இன்னும் இந்த கதாபாத்திரத்திற்கு என்னுடைய நடிப்பால் வலு சேர்க்க வேண்டும் என்கிற என் உணர்வும் ஏற்பட்டது. படத்தில் நடித்து முடிக்கும் வரை பல சவால்களை எதிர்கொள்ளவும் வேண்டி இருந்தது” என்று கூறியுள்ளார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...