கள்ளச்சாராயம், போதை பொருளை ஒழிக்க வேண்டும் : விஷால் | கள்ளச்சாராய வியாபாரிகளை தமிழக அரசு இரும்புக்கரம் கொண்டு ஒடுக்க வேண்டும் : கமல் | தனுஷை இயக்கும் போர் தொழில் இயக்குனர் விக்னேஷ் ராஜா | பிரியதர்ஷினின் 100வது படத்தில் ஹீரோவாக மோகன்லால் | லகான் இயக்குனரை சந்தித்த விஷ்ணு விஷால் | பிக்பாஸை தொகுத்து வழங்குவது ஏன் ? : சீசன் 6 பைனலில் மோகன்லால் நெகிழ்ச்சி | தர்ஷனின் கைது குறித்து மனம் திறந்த அவரது ஆஸ்தான நடிகை | சிரஞ்சீவியின் முன்னாள் மருமகன் மரணம் | ஏஆர் முருகதாஸ், சிவகார்த்திகேயன் பட டைட்டில் இதுதானா ? | 'புஷ்பா 2' - வில்லன் கதாபாத்திரத்தில் மாற்றம் ? |
மலையாளத்தில் கடந்த சில வாரங்களுக்கு முன்பு தலவன் என்கிற படம் வெளியானது. பிஜூமேனன் மற்றும் ஆசிப் அலி இருவரும் கதாநாயகர்களாக நடித்திருந்தனர். ஜிஸ் ஜாய் இயக்கியிருந்தார். காவல்துறையில் எதிரும் புதிருமாக இருக்கும் இரண்டு அதிகாரிகளில் ஒருவருக்கு எதிர்பாராத பிரச்சினை வரும்போது, தனது ஈகோவை மறந்து அவரை காப்பாற்ற இன்னொரு அதிகாரி எப்படி முயற்சிக்கிறார் என்பதை மையப்படுத்தி விறுவிறுப்பான புலனாய்வு திரைப்படமாக உருவாகி இருந்தது. ரசிகர்களிடம் வரவேற்பை பெற்றதுடன் வசூல் ரீதியாகவும் நிறைவான படமாக அமைந்தது.
இந்தப்படத்தை சமீபத்தில் பார்த்த நடிகர் கமல்ஹாசன் அருமையான படம் என பாராட்டியுள்ளார். இதையடுத்து சென்னையில் நடிகர் கமல்ஹாசனை தலவன் படக்குழுவினர் நேரில் சந்தித்து வாழ்த்து பெற்றனர். இந்த சந்திப்பின்போது நடிகர் பிஜூமேனன் இடம் பெறாவிட்டாலும் இந்த படத்தின் மூலம் மீண்டும் மறுவாழ்வு பெற்றுள்ள நாயகன் ஆசிப் அலிக்கு கமலுடனான இந்த சந்திப்பு மிகுந்த உற்சாகத்தை கொடுத்துள்ளது. இது குறித்து புகைப்படங்களை தனது சோசியல் மீடியா பக்கத்தில் வெளியிட்டு தனது மகிழ்ச்சியை வெளிப்படுத்தி உள்ளார் ஆசிப் அலி.
இதற்கு முன்பாக மிகப்பெரிய வெற்றியை பெற்ற மஞ்சும்மேல் பாய்ஸ் படக்குழுவினரையும் கமல் இதேபோல் நேரில் அழைத்து பாராட்டினார் என்பது குறிப்பிடத்தக்கது.