Dinamalar

'விக்ரம், லியோ, கூலி' - டைட்டில் டீசர் வீடியோ, எது பெஸ்ட்?

படத்திற்கான தலைப்பு அறிவிப்புகளை ஒரு போஸ்டரில் வெளியிட்டு வேலையை முடித்துவிடுவார்கள். ஆனால், இயக்குனர் லோகேஷ் கனகராஜ் 'விக்ரம்' படத் தலைப்பு அறிவிப்புக்கு ஒரு வீடியோவை வெளியிட்டு புது டிரெண்ட்டை உருவாக்கினார்.

2020 நவம்பரில் வெளியான 'விக்ரம்' பட தலைப்பு டீசர் கமல்ஹாசனின் நடிப்பாலும், உருவாக்கத்தால் அதிக வரவேற்பைப் பெற்றது. அந்த டீசர் இதுவரையிலும் 40 மில்லியன் பார்வைகளைக் கடந்துள்ளது.

அதற்கடுத்து லோகேஷ் இயக்கத்தில் விஜய் நடித்த 'லியோ' படத்தின் தலைப்பு அறிவிப்பு டீசர் கடந்த வருடம் வெளியானது. 'ப்ளடி ஸ்வீட்' புரோமோ என அழைக்கப்பட்ட அந்த டீசர் அதிரடியான வரவேற்பைப் பெற்றது. இதுவரையிலும் 79 மில்லியன் பார்வைகளைக் கடந்துள்ளது. 'விக்ரம்' தலைப்பு டீசரை விடவும் 'லியோ' டீசர் பிரமாதமாக இருந்தது என அதற்கான இரு மடங்கு பார்வைகளே சொல்லிவிடும்.

இப்போது லோகேஷ் இயக்கத்தில், ரஜினி நடிக்கும் 'கூலி' படத்தின் தலைப்பு அறிவிப்பு டீசர் நேற்று வெளியானது. முந்தைய இரண்டு டீசர்களில் 'விக்ரம்'டீசரில் கமல்ஹாசன் 'ஆரம்பிக்கலாங்களா' என்ற ஒற்றை வார்த்தை வசனத்தைப் பேசினார். 'லியோ' டீசரிலும் கடைசியில் மட்டும் விஜய் 'ப்ளடி ஸ்வீட்' என்ற ஒற்றை வசனத்தைப் பேசினார். ஆனால், 'கூலி' டீசரில் ரஜினிகாந்த் நிறையவே வசனம் பேசியுள்ளார். மூன்று பட டீசர்களிலும் அனிருத்தின் இசை அதிரடியாகவே அமைந்துள்ளது.

இருந்தாலும் 'விக்ரம், லியோ' டீசர் அளவிற்கு 'கூலி' டீசர் இல்லை என்ற விமர்சனமும் எழுந்துள்ளது. 'விக்ரம்' டீசரை விட 'லியோ' டீசர் இரு மடங்கு பார்வைகளைப் பெற்றது. அது போல 'லியோ' டீசரை விட 'கூலி' டீசர் இரு மடங்கு பார்வைகளைப் பெறுமா, பொறுத்திருந்து பார்ப்போம்.

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி

• 
  வரலட்சுமி இயக்குனராக அறிமுகமாகும் 'எஸ் சரஸ்வதி' தெலுங்கில் மட்டும் ...
• 
  விஜய் தேவரகொன்டா - ராஷ்மிகா வரவேற்பு: தமிழ், கன்னடம், ஹிந்தி திரையுலகினர் ...
• 
  தான் எழுதிய 'மைல்கல்' புத்தகத்தை ரஜினியிடம் பரிசாக கொடுத்த இயக்குனர் ...
• 
  ஒரே காரில்... ஒரே கலரில்...: ஜோடியாக திருமண நிகழ்ச்சியில் பங்கேற்ற விஜய், ...
• 
  சாரா அர்ஜுனின் வளர்ச்சி பெருமையாக உள்ளது! - சொல்கிறார் இயக்குனர் ...