ரசிகர்களுடன் கில்லி படம் பார்த்த இயக்குனர் தரணி - Director Dharani watched the film Ghilli with fans

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ரசிகர்களுடன் 'கில்லி' படம் பார்த்த இயக்குனர் தரணி

22 ஏப், 2024 - 10:53 IST

எழுத்தின் அளவு:

Director-Dharani-watched-the-film-Ghilli-with-fans

விஜய், த்ரிஷா மற்றும் பலர் நடித்த 'கில்லி' படம் சில தினங்களுக்கு முன்பு உலகம் முழுவதும் ரீ-ரிலீஸ் ஆனது. முதல் நாளிலேயே சுமார் 8 கோடி வரை வசூலித்து சாதனை புரிந்துள்ளது. தமிழ், தெலுங்கில் இதுவரை ரீ-ரிலீஸ் ஆன படங்களில் முதல் நாள் வசூலில் அதிகம் வசூலித்துள்ளது 'கில்லி' படம் தானாம்.

இப்படத்தை தரணி இயக்கியிருந்தார். 'கில்லி' படத்திற்கு முன்பாக “எதிரும் புதிரும், தில், தூள்” ஆகிய படங்களை இயக்கினார். இவற்றில் விக்ரம் நடித்த 'தில், தூள்' இரண்டுமே சூப்பர் ஹிட் படங்கள். நான்காவதாக அவர் இயக்கிய 'கில்லி' படமும் சூப்பர் ஹிட் படம். அடுத்து தெலுங்கில் பவன் கல்யாண் நடித்த 'பங்காரம்' படத்தை இயக்கினார். அந்தப்படம் வெற்றி பெறவில்லை. அதற்கடுத்து தமிழில் அவர் இயக்கி விஜய் நடித்த 'குருவி', சிம்பு நடித்த 'ஒஸ்தி' ஆகிய படங்களும் வெற்றிகரமாக ஓடவில்லை.

கடந்த 13 ஆண்டுகளாக எந்தப் படத்தையும் அவர் இயக்கவில்லை. 'கில்லி' படத்தின் ரீ-ரிலீஸுக்குப் பிறகு பல யு டியுப் சேனல்களும் அவரைப் பேட்டி எடுக்க பரபரப்பாகி வருகிறார்கள். இந்நிலையில் ரசிகர்களுடன் படத்தைப் பார்த்து ரசித்துள்ளார் இயக்குனர் தரணி. அவருடன் படத்தில் விஜய்யின் அம்மாவாக நடித்த ஜானகி சபேஷ் அந்த புகைப்படங்களைப் பகிர்ந்துள்ளார். தரணி எந்த சமூக வலைத்தளங்களிலும் இல்லை என்பது குறிப்பிட வேண்டிய ஒன்று.

'கில்லி' ரிரிலீஸுக்குப் பிறகு தரணிக்கு மீண்டும் படம் இயக்கும் வாய்ப்புகள் வரலாம்.

GhilliReRelease

Actorvijay

Dharani

Thalapathy

கருத்துகள் (0) கருத்தைப் பதிவு செய்ய

ரஜினி படத்தில் இணையும் நாகார்ஜுனா!

ஏப்ரல் 26ல் 4 படங்கள் ரிலீஸ்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய