Dinamalar

வேற்றுக்கிரக மனிதரய்யா நீங்கள் : பஹத் பாசிலுக்கு விக்னேஷ் சிவன் புகழாரம்

படத்திற்கு படம் வித்தியாசமான கதாபாத்திரங்களில், வித்தியாசமான நடிப்பை வழங்கி வருபவர் நடிகர் பஹத் பாசில். குறிப்பாக கதாநாயகன், வில்லன் என எந்த கதாபாத்திரங்களில் நடித்தாலும் அதில் எவ்வளவு சீரியஸ் ஆக நடிக்கிறாரோ அதே அளவிற்கு நகைச்சுவை கலந்தும் நடித்து ரசிகர்களை வசியப்படுத்துவதில் வல்லவர்.

அந்த வகையில் சமீபத்தில் மலையாளத்தில் பஹத் பாஸில் நடித்த ஆவேசம் என்கிற திரைப்படம் வெளியானது. இந்த படத்தில் ரங்கா என்கிற கேங்ஸ்டர் கதாபாத்திரத்தில் நடித்துள்ளார் பஹத் பாசில். முழுக்க முழுக்க நகைச்சுவை கலந்து உருவாக்கப்பட்டுள்ள இந்த படமும் பஹத் பாசிலின் கதாபாத்திரமும் ரசிகர்களிடம் மிகப்பெரிய வரவேற்பை பெற்றுள்ளது. படமும் வெற்றிகரமாக ஓடிக் கொண்டிருக்கிறது.

இந்த நிலையில் இயக்குனர் விக்னேஷ் சிவன் ஆவேசம் படத்தை பார்த்துவிட்டு பஹத் பாசிலை வானளாவ புகழ்ந்துள்ளார். இது குறித்து சோசியல் மீடியாவில் அவர் வெளியிட்டுள்ள பதிவில், “என்ன ஒரே அற்புதமான படம். பஹத் பாசில்.. நீங்கள் வேற்று கிரகத்தில் இருந்து வந்தவர். வித்தியாசமான எழுத்து, அதை படமாக்கிய விதம் அருமை.. மலையாள சினிமா எல்லாவற்றையும் அடித்து நொறுக்கிக் கொண்டு செல்கிறது. இயக்குனர் ஜித்து மாதவன் மற்றும் படக்குழுவினர் அனைவருக்கும் எனது வாழ்த்துகள்” என்று கூறியுள்ளார்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா